János Székely (scenaristo)
| János Székely | |||||
|---|---|---|---|---|---|
Oskar-premiito 
| |||||
| Persona informo | |||||
| Naskonomo | Freund János | ||||
| Naskiĝo | 7-an de julio 1901 en Budapeŝto | ||||
| Morto | 16-an de decembro 1958 (57-jaraĝa) en Orienta Berlino | ||||
| Lingvoj | germana • angla • hungara vd | ||||
| Ŝtataneco | Hungario vd | ||||
| Familio | |||||
| Edz(in)o | Erzsi Bársony vd | ||||
| Infanoj | Kati Székely vd | ||||
| Profesio | |||||
| Alia nomo | John S. Toldy vd | ||||
| Okupo | scenaristo • romanisto • verkisto • poeto vd | ||||
| |||||
| vd | Fonto: Vikidatumoj | ||||
János Székely [jAnoŝ sEkej], laŭ hungarlingve kutima nomordo Székely János estis hungara-germana-usona scenaristo, Oskar-premiito. Lia pseŭdonimo estis John Pen, liaj pliaj alternativaj nomoj estis Hans Székely (en Germanio) kaj John S. Toldy (en Usono). Lia edzino estis Erzsi Bársony.
János Székely [1] naskiĝis la 7-an de julio 1901 en Budapeŝto, li mortis la 16-an de decembro 1958 en Orienta Berlino (Germana Demokratia Respubliko).
Biografio[redakti | redakti fonton]
János Székely lernis en komerca akademio en sia naskiĝurbo. Lia poemo aperis en 1919. Depost falo de la Hungara Sovetrespubliko li rifuĝis al Vieno, en 1921 al Berlino, kie li komencis verkadi scenarlibrojn. Post jaroj li apartenis al la plej konataj scenaristoj de UFA, sed li verkis ankaŭ francajn kaj anglajn scenarlibrojn. En 1938 li rifuĝis al Holivudo, samtempe li edziĝis (baldaŭ li havis filinon. Ankaŭ en Holivudo li estis konata scenaristo de kaj mutaj filmoj, kaj sonfilmoj. En 1940 lia scenarlibro estis premiita. Pro la makartiismo en 1950 la geedza paro migris al Meksiko, fine ili translokiĝis al Orienta Berlino.
Elektitaj scenarlibroj[redakti | redakti fonton]
- Die namenlosen Helden (1923)
- Ungarische Rhapsodie/Magyar Rapszódia (Berlino/Budapeŝto 1928; germane kaj hungare)
- Melodie des Herzens/Vasárnap délután (Budapeŝto, 1929) - la unua sonfilmo en Eŭropo, laŭ la tiama tekniko ĝi estis farita samtempe en 4 lingvoj
- Die schöne Tage in Aranjuez (Berlino, 1933)
- Arise, My Love (Holivudo, 1940) kun Oskar-premio
- Geschwader Fledermaus (Berlino, 1958)
Liaj romanoj[redakti | redakti fonton]
- You can’t do that to Swoboda (1940)
- Temptation (1946, hungare Kísértés 1947)
Fontoj[redakti | redakti fonton]
- hungarlingva biografio Arkivigite je 2017-12-06 per la retarkivo Wayback Machine
- hungarlingva biografio kun foto
- anglalingva biografio kun foto