James Clerk Maxwell
Li metis la fundamenton por la teorio de elektromagneta radiado kaj per tio ankaŭ por la relativeca teorio de Albert Einstein. Li demonstris, ke elektromagneta radiado disvastiĝas ankaŭ en vakuo, kaj per la rapido de lumo.
Maxwell okupiĝis ankaŭ pri termodinamiko. Li inventis konatan penseksperimenton pri demono (la "demoneto de Maxwell"), kiu kapablu distingi inter rapidaj kaj malrapidaj molekuloj de enfermita gaso kaj lasi la rapidajn transiri al apuda ujo. Ĉar tiel eblus generi energion (varmon) el nenio, tia demoneto kontraŭas la duan teoremon de termodinamiko. Efektive postaj fizikistoj montris, ke la mezurado de la molekula rapido (kiun la demoneto ja devus fari) detruas la energi-gajnan efikon.
Anekdoto
Kiam Maxwell en 1850 enskribiĝis kiel studento en Kembriĝo, oni informis lin, ke estas devige partopreni je la 6-a horo matene religian ceremonion. Lia respondo estis: "Bone, mi kredas, ke mi povos resti maldorma ĝis tiam."
Vidu ankaŭ
Bibiligrafio
Bibliografio kiu montras la aŭtorajn konceptojn rilate la mondon, la vivon kaj lian praktikatan religion (anglikanismo).
- Lewis Campbell – William Garnett, The Life of James Clerk Maxwell: With Selections from His Correspondence and Occasional Writings, Macmillan and Co, 1882.
- James Clerk Maxwell, Poesie (1844-1878), Archivio Dedalus, 2012.
- P. Theerman, James Clerk Maxwell and Religion, American Journal of Phaysics, 54 (April 1986) 4, pp. 312-317.
