Jefim Zajdman

El Vikipedio, la libera enciklopedio
Jump to navigation Jump to search
Jefim Zajdman
Personaj informoj
Naskiĝo 8-an de julio 1937 (1937-07-08)
Morto 23-an de decembro 2017 (2017-12-23) (80-jara)
Profesio esperantisto
Lingvoj Esperanto
v  d  r
Information icon.svg
Teatraĵo de Anton Ĉeĥov en Jalto dum SAT-Kongreso en 2012 kun aktorado de Jefim Zajdman (maldekstre).

Jefim ZAJDMAN (ruslingve Ефим Семёнович Зайдман, naskiĝis la 8-an de julio 1937 en Ĥarkovo,[1] mortis la 23-an de decembro 2017 en Krimeo) estis esperantisto kaj historiisto pri la Esperanto-movado el Jalto, Krimeo. Li estis esperantisto ekde 1957, kunfondinto de la Sovetia Esperantista Junulara Movado (1966) kaj unua gvidanto de ĝia kulturfako.

Li estis iniciatinto kaj organizanto de festivaloj Velura Sezono ekde 1979, fondinto de Jalta Esperanto-klubo "Tero" (1977), kunfondinto de Jalta barda klubo "Земля" kaj kunorganizanto de la unua urba barda festivalo "Осенняя Ялта".

Zajdman tradukis multajn kantojn al Esperanto, inter kiuj dekoj bardaj. En 1977 li tradukis kelkajn ariojn el rok-opero “Jesuo Kristo – superstelulo” de Webber kaj prezentis en E-aranĝoj en Jalto, Dagestano kaj Kijivo. En 1981 li verkis humuran teatraĵon en versoj “Krimea legendo”, prezentatan ĝis nun. Ekde la 23-a de septembro 2006 li funkciis kiel organiza gvidanto de la jalta studio–filio de Esperanto-teatro. Li recenzis Esperanto-diskojn kaj librojn por centraj Esperanto-gazetoj, kontribuis al Esperanto-gazetoj kaj okupiĝis pri la historio de la pionira Esperanto-movado. Krome li de jardekoj estis komitatano de ILEI.

Jefim Zajdman mortis la 23-an de decembro 2017 sekve de stratakcidento okazinta la antaŭan tagon en Jalto.[2][3]

Eksteraj ligiloj[redakti | redakti fonton]

Referencoj[redakti | redakti fonton]