Jelly Koopmans-Schotanus
(Alidirektita el Jelly Schotanus)
| Jelly Koopmans-Schotanus | |
|---|---|
| Persona informo | |
| Naskiĝo | 16-an de decembro 1919 en Nijehaske |
| Morto | 17-an de novembro 1998 (78-jaraĝa) en Arnhem |
| Lingvoj | nederlanda • Esperanto |
| Ŝtataneco | Reĝlando de Nederlando |
| Familio | |
| Edz(in)o | Wim Koopmans |
| Infanoj | Benata Koopmans • Donita Koopmans • Feliĉa Koopmans • Espero Koopmans |
| Okupo | |
| Okupo | esperantisto |
Jeltje Trijntje (Jelly) KOOPMANS-SCHOTANUS (naskiĝis la 16-an de decembro 1919 en Nijehaske, mortis la 17-an de novembro 1998 en Arnhem) estis laika predikantino de la nederlanda reformita eklezio kaj aktivulino de KELI. Ŝi ofte predikis en esperantlingvaj diservoj, kunorganizis kristanajn Esperanto-aranĝojn kaj verkis plurajn broŝurojn pri kristanaj temoj.
Ŝia libreto Preĝo por ĉiu tago aperis ankaŭ en germana traduko en eldonkvanto de kelkdek mil ekzempleroj.
La 12-an de aprilo 1950 en Hilversum ŝi edziniĝis al Wim Koopmans. Iliaj kvar infanoj Benata (1951), Donita (1954), Feliĉa (1956) kaj Espero (1957-2010) iĝis denaskaj esperantistoj.
Verkoj[redakti | redakti fonton]
- Preĝo por ĉiu tago (1-a eldono 1969, 3-a eldono 1979, 4-a eldono 2007)
- Bete mit mir (germanlingva eldono de Preĝo por ĉiu tago, tradukita de Dietrich Böning), 1980