Jonas Hämmerle
| Jonas Hämmerle | ||
|---|---|---|
 Jonas Hämmerle en 2009
| ||
| Persona informo | ||
| Jonas Hämmerle | ||
| Naskiĝo | la 4-an de januaro 1998 en en Ditzingen-Heimerdingen, Germanio | |
| Lingvoj | germana vd | |
| Ŝtataneco | Germanio vd | |
| Profesio | ||
| Okupo | aktoro vd | |
| vd | Fonto: Vikidatumoj | |
Jonas Hämmerle (naskiĝis la 4-an de januaro 1998 en Ditzingen-Heimerdingen, Germanio, do nun 26-jaraĝa) estas germana infana aktoro.
Biografio[redakti | redakti fonton]
Jonas Hämmerle komencis sian filman karieron per reklamaj filmoj en 2007. En oktobro 2007 li havis sian unuan malĉefan rolon en televida filmo, en la produktaĵo Vater aus Liebe de la germanlingva televida kanalo ARD. En printempo 2008 sekvis aktorado por la fantasta porinfana kineja filmo Das Morphus-Geheimnis: en tiu filmo li havis la ĉefrolon de la timida muziklernejano Nicki, kiu dum la vintra ferio hazarde trovas nefinitan komponaĵon de Ludwig van Beethoven, kiu profunde dormigas la aŭskultantaron. La filmo Das Morphus-Geheimnis kineje spekteblis ekde la 22-a de januaro 2009.[1]
Pli vaste li konatiĝis finde de julio 2008, kiam la germana komediisto kaj reĝisoro Michael „Bully“ Herbigal la tiam 10-jaraĝa knabo donis la rolon de la timida kaj malforta, sed inteligenta kaj inventema vikinga knabo Vicke Viking (germanlingve "Wickie") en la ne-animacia kineja filmo Wickie und die starken Männer. En septembro publikiĝis la daŭriga kineja filmo Wickie auf großer Fahrt, en kiu Jonas same havis la ĉefrolon. Kaj por la jaro 2012 planatas la produktado de tria kineja filmo el la serio - ĝi nomiĝu Wickie und der große Wettkampf, do "Vike kaj la granda konkuro", kaj ankaŭ en ĝi ĉefrolas Jonas.
Li havas tri pli aĝajn gefratojn kaj krom diversaj sportaj hobioj praktikas ludi violonĉelon.
Listo de filmoj (elekto)[redakti | redakti fonton]
- 2007: Germanlingva reklama filmo de la aŭta firmao Honda
- 2008: Vater aus Liebe (televida filmo)
- 2008: Das Morphus-Geheimnis
- 2009: Wickie und die starken Männer
- 2010: Weissensee (televida serio)
- 2011: Wer wenn nicht wir
- 2011: Anonymus
- 2011: Wickie auf großer Fahrt
Premioj[redakti | redakti fonton]
- 2009: premio Bambi
- 2010: premio Der weiße Elefant
Eksteraj ligiloj[redakti | redakti fonton]
- Jonas Hämmerle ĉe Interreta filma datumbazo (angle)
- germanlingva artikolo "Berliner Junge spielt Wickie" en la gazeto Der Tagesspiegel, la 31-an de julio 2008
- germanlingva artikolo "Film ab für Jonas" en la gazeto Berliner Morgenpost, la 15-an de marto 2008[rompita ligilo]