Jorg De Mulder

El Vikipedio, la libera enciklopedio
Jump to navigation Jump to search
Jorg De Mulder
Personaj informoj
Naskiĝo la  5-an de junio 1974(nun 1974-06-05) (44‑jara)
Nacieco flandro
Profesio esperantisto
Lingvoj Esperanto
Esperanto
Aliaj aktivaĵoj FLEJA
TEJO
v  d  r
Information icon.svg

Jorg De Mulder - naskiĝis la  5-an de junio 1974(nun 1974-06-05), do nun 44-jara - estas flandra tradukisto kaj esperantisto. Tuj post esperantistiĝo en 1991, do en sia 17-a vivjaro, li iĝis aktivulo kaj baldaŭ estrarano de Flandra Esperantista Junulara Asocio, la landa sekcio de TEJO en Flandrio, la nederlandlingva parto de Belgio, kaj plurajn jarojn estis prezidanto de FLEJA. Aldone inter alie li de 1995 ĝis 1997 estis vicprezidanto kaj estrarano pri landa agado de TEJO. Post studo de la germana, rusa kaj ĉina lingvoj en la instituto de tradukistoj kaj interpretistoj de Antverpeno, li nun laboras kiel tradukisto. En internaciaj rondoj, li ade substrekis ke en lia nomo laŭ kutimo de Flandrio la nomero "De" skribendas majuskle, dum en Nederlando ĝi kutime skribiĝas minuskle.

En 1998 li estis la redaktoro de la rubriko Noticoj en Monato[1]

Referencoj[redakti | redakti fonton]

  1. Monato, internacia magazino sendependa, numero 1999/01, paĝo 3: Enkonduko verkita de Stefan Maul.