Jost Bürgi
Jost Bürgi (n. 28-a februaro 1552 en Lichtensteig / Toggenburg, Svisujo — m. 31-a januaro 1632 en Kassel, Germanujo) estis matematikisto kaj konstruisto de instrumentoj.
La orginala bildo de Jost Bürgi desegnita de Benjamin Bramer, Apollonius Cattus, Kassel 1684, estas en la biblioteko de la Zurika universitato ETH, Svisa Federacia Instituto pri Teknologio Zuriko.
Biografio
Oni ne konas la edukadon de Jost Bürgi. De 1579 ĝis 1604 li estis horloĝisto (horloĝo) kaj astronomo (astronomio) en kortego de landgrafo de Heslando en Kassel.
En la observatorio de Kassel, fondita de heslanda landgrafo Vilhelmo la 4-a, la unua malmovebla observatorio de Eŭropo ekde 1561, - (la alia grava observatorio ekde 1580 de Tycho Brahe, estis en Uraniborg, Kopenhago en Danio) -, li kaj la kortega matematikisto Christoph Rothmann observis kune la stelaron.
Jost Bürig devis flegi kaj plibonigi la observajn instrumentojn. Li konstruis ankaŭ proprajn astronomajn instrumentojn, horloĝojn, modelojn de kosmon, famajn globusojn, kaj novajn geodeziajn instrumentojn (geodezio). La novaj instrumentoj kaj inventaĵoj estis tre bonaj kaj precizaj.
Li elvolvis unuan sinustabelon (Sinuso (matematiko)) kaj ekde 1588 la unuan konatan logaritmo-sistemon, la "Progress-Tabulen" (Logaritmo).
De 1604 ĝis 1630 Bürgi servis al Imperiestro Rudolfo 2-a en Prago.
En Prago li rekontis la kortegan astronomon Johano Kepler (Johannes Kepler).
En 1631 Bürgi reiris al Kassel kaj tie mortis la 31-an de januaro 1632.
Vidu ankaŭ
John Napier skribis samtempe logaritmo-sistemon.
Verkoj
- Jost Bürgi's "Progress-Tabulen" (Logarithmen)"
- Maor, Eli, e: la historio de unua nombro (en angla lingvo: e: the story of a number / Eli Maor, eldono: [pbk ed.]; Princeton, New Jersey, Usono: Universitato Princeton Presejo, (1994)(2009?) 227 paĝoj, alia titolo: The story of a number ISBN 978-0-691-14134-3 (pbk.); pri la matematikisto John Napier, de Skotlando n. 1550 - m.1617