Juan Orlando Hernández
| Juan Orlando Hernández | |||||
|---|---|---|---|---|---|
| Prezidanto de Honduro | |||||
| |||||
| Persona informo | |||||
| Juan Orlando Hernández | |||||
| Naskiĝo | 28-an de oktobro 1968 (56-jaraĝa) en Gracias | ||||
| Religio | katolikismo vd | ||||
| Lingvoj | hispana vd | ||||
| Ŝtataneco | Honduro  vd
| ||||
| Alma mater | Ŝtata Universitato de Nov-Jorkio ĉe Albany - publika administrado (1994–1996) Faculty of Legal Sciences (en)  - Licenco en Juro (1986–1990)Liceo Militar de Honduras (en) (1983–1985)Nacia Aŭtonoma Universitato de Honduro vd
| ||||
| Partio | Partio Nacia de Honduro vd
| ||||
| Familio | |||||
| Gefratoj | Hilda Hernández (en) kaj Juan Antonio Hernández (en) vd
| ||||
| Edz(in)o | Ana Rosalinda García Carías (en) vd
| ||||
| Infanoj | 4 | ||||
| Profesio | |||||
| Okupo | politikisto advokato vd
| ||||
| |||||
| |||||
| En TTT | Oficiala retejo vd | ||||
Prezidanto de Honduro 
| |||||
| Dum | 2014 ĝis januaro 2022 | ||||
| Antaŭulo | Porfirio Lobo Sosa | ||||
| Sekvanto | Xiomara Castro | ||||
| vd | Fonto: Vikidatumoj | ||||
Juan Orlando HERNÁNDEZ Alvarado (naskiĝis la 28-an de oktobro 1968 en la urbeto Gracias, administra centro de la departemento Lempira), ofte mallongigita Joh, estas hondura politikisto kaj komercisto, prezidento de Honduro inter 2014 kaj 2022.
Biografio
[redakti | redakti fonton]Post provizora deĵoro post prezidenta puĉo, li ricevis plej multajn voĉojn en la nacia parlamenta baloto de novembro 2013, kaj proklamiĝis la nova prezidanto de la lando la 27-an de januaro 2014. Kiel membro de la konservativa Nacia Partio de Honduro li estis la efektiva prezidanto de la parlamento Nacia Kongreso de Honduro inter januaro 2010 kaj junio 2013, kiam li ricevis permeson de la Kongreso retiriĝi el ĉiuj respondecoj en la Kongreso por dediĉi sin al sia prezidanta balota kampanjo (formale li ankoraŭ oficus kiel parlamenta prezidanto ĝis la 25-a de januaro 2014).
En la prezidanta baloto ankaŭ kandidatis Xiomara Castro, edzino de la iama perforte eksigita prezidento Manuel Zelaya, reprezentante la maldekstran politikan partion Liberdad y Refundación ("libereco kaj refondiĝo"). La edzino de la detronigita iama prezidento de Honduro estis ĉefo de la movado rezistanta kontraŭ la nacia puĉo de 2009, kiu antaŭtempe elpelis sian edzon el la potenco. Kiam la 24-an de novembro 2013 oficiale proklamiĝis balota venkinto kaj estonta prezidento Juan Orlando Hernández kaj anonciĝis ke Xiomara Castro ricevis la duan plej grandan nombron de voĉdonoj, ŝi en forta protesto malakceptis la rezulton.
Hernandez denove kandidatis kaj venkis en 2018, en kontestitaj balotoj. Li oficis ĝis januaro 2022.
La 14an de februaro 2022, la usona registaro petis lian ekstradikcion pro drogtrafiko. La honduraj aŭtoritatoj akceptis kaj li estis transdonita al Usono en aprilo, kaj tie atendas juĝadon.