Karl-Heinz Funke

El Vikipedio, la libera enciklopedio
Jump to navigation Jump to search
Karl-Heinz Funke (en 2006)

Karl-Heinz FUNKE estas germana instruisto kaj politikisto. Li naskiĝis la 29-an de aprilo 1946(nun 1946-04-29) en Varel, do nun estas 72-jara. En la ministraro unua de Gerhard Schröder, kiu reprezentis la registaron de Germanio inter la 27-a de oktobro 1998 kaj la 22-a de oktobro 2002, li ĝis la 12-a de januaro 2001 estis ministro pri nutro, agrikulturo kaj forsto. En januaro 2001, laŭ koalicia decido lia fako ricevis la nomon ministerio pri protekto de konsumantaro, nutro kaj agrokulturo, kaj ĝin transprenis la politikistino Renate Künast de la ekologiisma partio Alianco '90/La Verduloj. Karl-Heinz Funke reprezentas la Socialdemokratian Partion de Germanio (SPD), kiu ekde oktobro 2009 en la germania parlamento Bundestag estas partio opozicia.