Kastelo Tüngeda

Kastelo Tüngeda
kastelo
Geografiaj informoj
Lando	Germanio
Geografia situo	51° 2′ 2″ N, 10° 34′ 59″ O (mapo)51.033824110.5829732Koordinatoj: 51° 2′ 2″ N, 10° 34′ 59″ O (mapo)
	Kastelo Tüngeda (Turingio)
	Situo de Kastelo Tüngeda
	v • d • r

Kastelo Tüngeda (germane: Schloß Tüngeda) staras en la kvartalo Tüngeda de la komunumo Hörselberg-Hainich, Germanujo.

Historio

Apartenis de 1321 parto de Tüngeda kiel feŭdaĵo de la Abatejo de Fulda al la posedaĵaro de la senjoroj de Wangenheim kies kutima burgo situis tre proksima. La alian parton posedis la senjoroj de Erffa ĝis 1580. Kastelokonstruiĝo venis en 1582 laŭ komisio de Hartmann von Wangenheim. De 1640 Tüngeda apartenis, estante parto de la hereda administradujo de la Wangenheim-oj, al la Duklando Saksio-Gotao, de 1672 al Saksio-Gotao-Altenburg. Dum la Tridekjara milito multo de la komplekso estis detruita kio favoris la kadukon.

En 1743 la supraj bienoj de Tüngeda venis en la manojn de la senjoroj de Uechtritz (linio de Fuga). En 1771 ili ankaŭ akiris la malsuprajn areojn; en 1881 Hermann von Krosigk ekposedantis kaj ŝanĝigis la kastelon laŭ novrenesanca stilo.

Ŝtatigo kaj politika turniĝo

En 1945 la komunisma reĝimo eksproprietigis la posedanton kaj la komunumo ekposedantis la tuton en 1951. En 1991 kaj 2000 eblis fari profundajn restaŭradlaborojn.^[1] Privata posedo re-estis ĝis printempo 2015 kiam la tuto redoniĝis al la publikaj aŭtoritatoj post kiam uzokoncepto de lupreninto fiaskis.^[2] Vidindaj estas krome la parko kaj la kirko.