Kiam Parizo estis Parizo eĉ por ni esperantistoj

El Vikipedio, la libera enciklopedio
Salti al navigilo Salti al serĉilo

Unu el la tri profesiaj franclingvaj gekantistoj kiuj akompanis sin per gurdo, Nikolin' proponis al LF-koop en 1988 sian repertuaron. Naskiĝis tiam, danke al la tradukoj de diversaj verkistoj (Georges Lagrange, Perla Martinelli, Claude Piron, Giorgio Silfer), ĉarma Esperanto-kantaro el la periodo "kiam Parizo estis Parizo ankaŭ por ni esperantistoj".

Giorgio Silfer verkis tekston por interligi la diversajn kanzonojn, kaj Nikolin' realigis ĉe LF-koop tutan kasedon: Nur per amo (1988).

La postan jaron, danke al la kunlaboro de la belga reĝisoro Sauro Santinelli, la mastra bendo de la kasedo fariĝis la sontrako de la unua muzika filmo en Esperanto, rekte turnita en Parizo. Multe helpis al la teamo ankaŭ Roger Bernard. La filmon produktis LF-koop, kun la helpo de la finna entreprenisto Lasse Kivisto.