Kiwix
Kiwix - nialingve Kivikso - estas senpaga programo uzebla per regsistemoj Vindozo, Mac kaj Linukso por memorigi sur USB-poŝmemorilo, post densigo, la enhavon de iu ajn el la lingvaj versioj de Vikipedio kaj ankaŭ de apartaj projektoj de la Fondaĵo Vikimedio, t.e., momente, Vikilibroj, Vikicitaro, Vikifontaro kaj Vikivortaro.
La franca versio okupas spacon de 1,4 Gb (stato je la 5-a de decembro 2008 : 734 038 artikoloj). Tio estas ebla ĉar Kiwix ne prikonsideras la ilustraĵojn. Ĝisdatigo ne estas ebla, momente, pli ol unu fojon monate. Sekve, en la nuna versio, ĝi ne ankoraŭ taŭgas por aktualaĵoj kaj freŝdataj informoj. Interna serĉado estas ebla per speciala serĉilo "Wikiwix" same kiel por la interreta versio. Memkompreneble, eksteraj ligiloj ne funkcias. Laŭ clubic.com [1], la nuna versio havas mankojn kaj foje misfunkcias, sed la principo estas tamen tre bona kaj respondas al bezono.
Notoj[redakti | redakti fonton]
- ↑ Télécharger Kiwix 0.7 (Enŝuti Kiwix 0.7; opinio de la redakcio)
Eksteraj ligiloj[redakti | redakti fonton]
La bazaj informoj de tiu ĉi artikolo fontas el franclingvaj artikoloj :
- {fr} Wikipédia sur une clé USB (Wikipedia sur USB-poŝmemorilo).
- {fr} Mettez tout Wikipedia sur une clé USB (Metu Wikipedia entute sur USB-poŝmemorilo)
- {fr} Télécharger Kiwix 0.7 (Enŝutu Kiwix 0.7).
- Elŝuto de Kiwix (france, elekto de la lingvo ebla post enŝuto de la koncerna regsistemo)
