Klonkolonio
Klonkolonio aŭ geneto (greke geneá ‘geveno’) estas termino en la botaniko. Ĝi estas grupo de plantoj , kiu estas aŭ estis ligita ekzemple per rizomo. La plantoj ŝajnas esti sendependaj, sed reale estis klono el vegeta reproduktado. Ekzemple fragoplanto kun patrina planto kaj stolonoj estas klonkolonio. Same cepoj aŭ bulboj kreskintaj el bulbidoj aŭ cepidoj estas klonkolonioj.
Oni uzas la terminon precipe en la scienco por pli bone distingi la vegetajn individuojn kaj iliajn antaŭulojn. Ekzemple bambuaj arbaroj povas esti unu sola klonkolonio.
Literaturo[redakti | redakti fonton]
- Cook, R. E.: Clonal plant populations. American Scientist. Volumo 71. 1983. Paĝoj 244–253.