Komuna nomo

El Vikipedio, la libera enciklopedio
Jump to navigation Jump to search

Komuna nomopopola nomo estas nomo de ĝenerala uzo ene de komunumo, plej ofte lingva, sed ne nepre kaj nur; ĝi plej ofte kontrastas kun la scienca nomo. La popola nomo estas etnolingva kaj havas longan tradicion. Ĝi estas la nomo per kiu la homoj indikas la beston aŭ la planton. Plej ofte la homoj eĉ ne konas la rilatan sciencan nomon.

La komuna nomo ne necese estas komune uzata nek necese estas konsiderata malpli ĝusta ol la scienca nomo (kiel "komuna" povus sugesti), sed male ĉe ĉiu scienca nomo povas esti respektiva komuna nomo, ekzemple Neĝopasero, por Montifringilla nivalis,neĝa montofringo.[1]

Arbarhiacinto - Scilo senlitera - Scilla non-scripta kaj deko da sinonimoj.

Sovaĝaj plantoj en ĉiuj lingvoj estas ĉe la popolo pli konataj kaj nomataj per popola, komuna nomo ol per la scienca nomo. Tiuj sciencaj, latinecaj nomoj, estas precipe konataj kaj uzataj de scienculoj, botanikistoj. La sciencaj nomoj ne estas tiel firmaj kaj definitivaj kiel laikuloj pensas. Por iuj plantoj ekzistas deko da sinonimoj, ĉar tre ofte oni devis konkludi ke la planto apartenas al alia genro de sama aŭ alia plantofamilio ol oni supozis. Tiel ekzemple la arbarhiacinto (popola nomo!) aŭ Scilo senlitera (Scilla non-scripta), originale de genro Endymion poste iĝis Scilla, poste Hyacinthoides kaj poste denove, sed verŝajne ne definitive - oni daŭre diskutas - Scilla. Intertempe la popolaj nomoj ne ŝanĝiĝis.[2] Longan liston de sinonimoj estas, ekzemple, trovebla ĉe la Korfloretoj.

Enkondukiĝis sciencaj duoblaj nomoj, en Esperanto, por multaj plantoj kaj animaloj. Ekzemple Galantus nivalis estas en Esperanto neĝa galanto (science)[3]neĝborulo (popole).[4]

Referencoj[redakti | redakti fonton]

  1. Vidu "pasero" en Plena Ilustrita Vortaro de Esperanto - ISBN 2-9502432-8-2 - SAT, Parizo, 2005 - p. 836
  2. De geïllustreerde Flora. M. Blamey, Chr. Grey-Wilson. Uitg. Thieme, 1984. ISBN 90-5210-059-4198. p. 10.
  3. Vidu “Galanto neĝa” en Plurlingva nomaro de sovâgaj plantoj en Eŭropo -Bernhard Eichkorn - Eld. A. Gmeiner, 1988 - ISBN 9070074311, 9789070074319.
  4. Vidu "galanto" en Plena Ilustrita Vortaro de Esperanto - ISBN 2-9502432-8-2 - SAT, Parizo, 2005 - p. 380