La Jaro

La Jaro
	periodaĵo
Aŭtoroj
Lingvoj
Lingvo	Esperanto
Eldonado
Eldonejo	Flandra Esperanto-Ligo
	v • d • r

La Jaro estas jara poŝ-kalendaro eldonata dum pluraj jaroj de Flandra Esperanto-Ligo (FEL). Ĝi estas la ununura poŝ-kalendaro skribita tute en Esperanto, kaj do celas esti pli internacia ol la nacilingvaj tiaĵoj. Ĝi tial enhavas multege da datoj menciendaj por ĉiuj religioj, landoj ktp. Kvankam enmetitas bahaa kalendareto kaj mencioj de la jarŝanĝoj ĉinaj, islamaj kaj judaj, ĝia datkalkula sistemo estas centelcente kristanisma.

Postkalendare ĝi kutime entenas utilajn informojn pri internaciaj vokokodoj, la landoj de la mondo (kun esperantigitaj nomoj de ŝtatoj, ĉefurboj, organizoj, monunuoj) kaj simile.

Kvarlingva Vortareto / Vortareto Multlingva

Sub la redakto de André Albault kaj helpata de denaskaj parolantoj de la koncernaj lingvoj regule aperis "Kvarlingva vortareto" (poste nomita "Vortareto multlingva") inter 1982 kaj 1991. En ĝi oni trovas apud mallongan enkondukon en la cellingvo la tradukojn de 500 Esperantaj vortoj kaj aldone de la dekdu monatoj, sep tagoj, numeraloj, pronomoj, posesivoj k.t.p. de Esperanto al jenaj lingvoj. Lingvoj uzantaj nelatinan alfabeton (ekz. la greka, korea, hinda k.t.p.) estas transskribitaj per latinaj literoj.

eld.	jaro	cellingvo 1	cellingvo 2	cellingvo 3
1a	1982	franca	hungara	svahila
2a	1983	angla	irlanda	korea
3a	1984	germana	pola	hinda
4a	1985	greka	rumana	turka
5a	1986	itala	slovaka	turka
6a	1987	rusa	ukraina	ĉina
7a	1988	hispana	kroata	bengala
8a	1989	dana	sveda	norvega
10a	1990	nederlanda	ĉeĥa	malagasa
11a	1991	portugala	skot-angla	skot-gaela