Laga Distrikto

Laga Distrikto
Supermara alteco	978 m [+]
Koordinatoj	54° 30′ 0″ N, 3° 10′ 0″ U (mapo)54.5-3.1666666666667Koordinatoj: 54° 30′ 0″ N, 3° 10′ 0″ U (mapo)
Plej alta punkto	Scafell Pike [+]
Areo	2 362 km² (236 200 ha) [+]
	Laga Distrikto
	Vikimedia Komunejo: Lake District [+]
	En TTT: Oficiala retejo [+]
	v • d • r

La Laga Distrikto (Lake District) estas nacia parko en la provinco Kumbrio en la nordokcidento de Anglio. Ĝi estas unu el dek tri naciaj parkoj en Britio.

Ĝi estas monta regiono. Ĉiuj montpintoj en Anglio pli altaj ol 900 metroj super marnivelo situas en ĉi tiu areo. La plej alta montpinto en Anglio estas la pinto de Scafell Pike (978 m).

La Laga Distrikto havas 16 lagojn. La plej konataj estas: Windermere (14,7 km²), Coniston Water, Ullswater, Thirlmere, Derwent Water kaj Bassenthwaite-Lago.

La klimato estas humida: Multe pluvas kaj neĝas. Vivrimedoj estas ŝafobredado kaj forstokulturo. Ankaŭ turismo jam ekde longa tempo estas grava ekonomia faktoro.

Dum la jaro 2001, la regionon multe tuŝis afta febro inter farmbestoj. Krom la farmistoj mem, suferis ankaŭ preskaŭ ĉiuj kiuj dependis de la turismo, pro tio ke la aliro al la kamparo estis malpermesita por provi regi la disvastiĝon de la malsano, kaj multaj tiamaj vizitontoj nuligis siajn planitajn vojaĝojn tien.