Lancaster (Lancashire)

El Vikipedio, la libera enciklopedio
Saltu al: navigado, serĉo
Kastelo Lancaster

Lancaster estas la ĉefurbo de Lancashire, Anglio. En 2001, laŭ la tiujara censo, ĝi enhavis ĉirkaŭ 45,950 loĝantojn.

Historio[redakti | redakti fonton]

La romianoj konstruis fortikaĵon ĉe Lancaster. Fine de la 11-a jarcento konstruiĝis Kastelo Lancaster, kiun Elizabeto la 1-a (Anglio) pligrandigis, kaj kiu nun servas kiel malliberejo. Dum la 12-a jarcento eble Davido la 1-a (Skotlando) mallonge okupis la kastelon. En 1612 ĉe la kastelo okazis grava proceso, kiam 10 virinoj mortkondamniĝis pro supozataj sorĉaj murdoj.

Ekonomio[redakti | redakti fonton]

Ĉirkaŭ 1800 Lancaster estis grava haveno, sed poste ĝia rivero, Rivero Lune, tro siltis. Nun situas en la urbo pluraj fabrikoj kaj parto de la Universitato de Cumbria; apude situas la Universitato de Lancaster.

Vizitindaĵoj[redakti | redakti fonton]

Penny's Hospital

Inter la vizitindaĵoj estas:

  • Kastelo Lancaster
  • Priorejo Lancaster, nun la paroĥa preĝejo de la urbo, kiu antaŭe servis benediktanan komunumon.
  • Katedralo Lancaster, romkatolika 19-jarcenta konstruaĵo kiu iĝis katedralo en 1924
  • Penny's Hospital, 18-jarcentaj almozdomoj