Listo de armiloj en Star Trek

La fikcia universo de Star Trek enhavas varion de armiloj, kiuj iras el misiloj (la klasika fotona torpedo) ĝis manbataliloj. Multaj aspektoj de la fikcia universo influas modernan popularan kulturon, precipe la lingvaĵon kaj la ideon de kosmoŝipo lanĉanta spacajn torpedojn kaj pafante laserojn, kaj havis ampleksan influon en la fino de la 20-a ĝis frua 21-a jarcento. Star Trek estas sufiĉe populara por ke ĝiaj scienc-fikciaj konceptoj eĉ estis studitaj de veraj sciencistoj.

Energiaj armiloj

La franĉizo prezentas diversajn armilojn, kiuj funkcias kiel pafiloj de radioj, la plej elstara el tiuj estas la "fazero". Ĉi tiuj energiaj armiloj elsendas energion laŭ celita direkto sen la neceso de ĵetaĵoj. La intencitaj efikoj eblas reguladon.

Fazeroj

Pli detalaj informoj troveblas en artikolo Fazero.

Fazeroj (en la angla phaser mallongigo de phased array [fazigita aranĝo]) estas oftaj kaj multflankaj energiaj armiloj, unue viditaj en la origina Star Trek televidserio kaj poste viditaj aŭ referencitaj en preskaŭ ĉiuj postaj filmoj kaj televidaj kromproduktoj. Fazeroj venas en larĝa gamo de grandecoj, kiuj iras de pistoloj al kanonoj muntitaj en kosmoŝipoj.

Laseroj

Pli detalaj informoj troveblas en artikolo Lasero.

Laseraj armiloj aperas en pluraj epizodoj de la origina serio, kvankam poste epizodoj en Star Trek: The Next Generation ŝajnis indiki, ke la lasero kiel armilo estis malmodernaĵo.

Misiloj

Pli detalaj informoj troveblas en artikolo misilo.

Fotonaj torpedoj

La fotonaj torpedoj estas armiloj bazitaj en kosmoŝipo armitaj per bombo de antimaterio, sekve, malgraŭ la nomo, ili ne rilatas rekte al fotonoj. Ili ĉeestas en ĉiu versioj de la "Star Trek" serioj kaj estas norma armilo ĉe preskaŭ ĉiuj federaciaj stelŝipoj. Fotonaj torpedoj unue aperas en la epizodo de originala serio Arena.

Blankaj armiloj

Pli detalaj informoj troveblas en artikolo Blanka armilo.

Katano

Katano estas glavo de japana origino, ĝi aperas foje en la originala serio. La sola grava diferenco kompare kun la malnova glavo de hodiaŭ estas ke la versio de Star Trek estas faldebla, tiel okupante minimuman spacon kiam forportata kaj stokita. En filmo de 2009 Star Trek Rekomenco, leŭtenanto Hikaru Sulu uzas faldan katanon per kiu tranĉi la fadenojn de sia paraŝuto.

Ahn'woon

Ahn'woon estas vulkana kapt-strangola armilo, principe simila al metalaj retoj de la romiaj gladiatoroj en la Tero, tamen ĝi estas multe pli multfaceta. Depende de la kapablo de la uzanto, ĝi povas esti uzata laŭ pluraj manieroj.

Lirpa

Lirpa estas armilo vulkana konsistanta el ligna bastono iom pli ol unu metro longa, kun duonronda klingo ĉe unu ekstremo kaj metala pilko sur la alia. La totala longo de la armilo ŝajnas esti ĉirkaŭ 48 colojn. Ĝi estas simila al la ĉina monaĥa fosilo kaj al la pugila bastono. Kapitano James T. Kirk kaj Spock uzis lirpaojn kiam ili batalis por posedo de T'Pring en epizodo Amok Time.