Malpartida de Cáceres

Malpartida de Cáceres
municipo en Hispanio ; vilaĝo vd
Flago	Blazono
Administrado
Lando	Hispanio
Regiono	Ekstremaduro
Provinco	Cáceres
Poŝtkodo	10910
Retpaĝaro	malpartidadecaceres.es
Politiko
Urbestro	Víctor del Moral
Demografio
Loĝantaro	4 461 (2008)
Loĝdenso	120 loĝ./km²
Geografio
Geografia situo	39° 27′ N, 6° 30′ U (mapo)39.445575-6.5058549Koordinatoj: 39° 27′ N, 6° 30′ U (mapo) [+]
Alto	371 m [+]
Areo	33,73 km²
Horzono	UTC+01:00 [+]
	Malpartida de Cáceres (Provinco Kacereso)
	Situo de la komunumo en Provinco Kacereso
	Malpartida de Cáceres (Hispanio)
	Situo de la komunumo en Hispanio
Alia projekto
	Vikimedia Komunejo Malpartida de Cáceres [+]
	v • d • r

Malpartida de Cáceres estas municipo de Hispanio, en la provinco de Cáceres, regiono de Ekstremaduro.

La loĝantoj nomiĝas malpartideños. La censita populacio en 2008 estis de 4.461 loĝantoj.

Situo

Malpartida de Cáceres estas situa en la centra parto de Ekstremaduro en la komarko aŭ distrikto Llanos de Cáceres, je altitudo de 371 m; je nur 11 km de Cáceres, provinca ĉefurbo (al kiu ĝi funkcias kiel kvartalo aŭ dormurbo) kaj je 71 km de Mérida, la regiona ĉefurbo. La areo de ties teritorio estas de 33,73 km². Ĝi situas je la koordenatoj:

Latitudo: 39º 24’ 25’’ – 39º 28’ 30’’ N
Longitudo: 2º 26’ 10’’ - 2º 51’ 30’’ Ok

Historio

Estis setlejoj en la epokoj prahoma, antaŭromia, romia, islama kaj mezepoka. La fondo kiel vilaĝo eble datiĝas de la 13a jarcento post la Reconquista de Cáceres. En la 16a jarcento okazis la etendo de la kerno, kiel urba disvolvado de stratoj ampleksaj kaj rektaj kun forma triangula, formata de blankaj domoj. En 1833 Malpartida sendependiĝas de Cáceres.

Kiam oni konstruis la fervojon en la 19a jarcento, la stacion por Arroyo de la Luz kaj Malpartida de Cáceres oni konstruis en intermeza punkto en loko apartenanta al municipo de Cáceres. Ĉirkaŭ tiu stacio aperis la domaro de Estación Arroyo-Malpartida, kiu enhavis ĝis 1000 loĝantoj kaj aktuale, post la fermo de la stacio, estas preskaŭ senhoma.

Vidindaĵoj

Popola arkitekturo de blankaj domoj kun grandaj kamenoj.
Preĝejo de Ntra. Sra. de la Asunción. De la 16a jarcento kun diversaj stiloj: la interno kaj kelkaj partoj de la ekstero estas gotikaj, la pordo estas renesanca kaj la retablo baroka.
Ermitejoj:
- San Antonio. Eble la unua preĝejo de la vilaĝo, de la dua duono de la 15a jarcento kaj volbo de la 16a jarcento.
- Santos Mártires.
- Santa Ana. Konstruita en la 16a jarcento
- La Soledad. De fino de la 17a jarcento aŭ komenco de la 18a jarcento.
Multaj palacoj kaj blazonaj domegoj de riĉaj kaj nobelaj familioj.
La Muzeo Vostell Malpartida en la proksimeco. Pri moderna arto.
La Muzeo Narbón. Pri la pentristo Juan José Narbón.
La Lanlavejo. Konstruita en la 18a jarcento ĉe la laguno Barrueco de Abajo. Grava montro de industria arkitekturo. La lavado de lano gravis por Malpartida dum la 19a jarcento. Laboris tie pli da cento da laboristoj, kiuj fortondis la ŝafojn, lavis ties lanon kaj sendis ĝin por la tekstila industrio de Portugalio kaj la Nordo de Eŭropo. Nuntempe gastigas la muzeon de moderna arto Vostell-Malpartida.
Natura loko Los Barruecos ĉirkaŭ laguno ĉe la Lanlavejo kaj la Muzeo. En la laguno estas fiŝoj kaj emidoj. Sur rokegoj de granitoj nestumas multaj paroj de blanka cikonio, malkutime ĉe ili, kiuj plej ofte nestumas sur altaj konstruaĵoj aŭ sur arboj. Arkeologia kuŝejo.