Martín Muñoz de la Dehesa
| Martín Muñoz de la Dehesa | |||
|---|---|---|---|
 | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 40466 | ||
| En TTT | Oficiala retejo [+] | ||
| Demografio | |||
| Loĝantaro | 317 (2023) [+] | ||
| Loĝdenso | 18 loĝ./km² | ||
| Geografio | |||
| Geografia situo | 41° 4′ N, 4° 41′ U (mapo)41.066111111111-4.6866666666667Koordinatoj: 41° 4′ N, 4° 41′ U (mapo) [+] | ||
| Alto | 836 m [+] | ||
| Areo | 17,66 km² (1 766 ha) [+] | ||
| |||
| |||
| |||
|
| |||
| Alia projekto | |||
 Vikimedia Komunejo Martín Muñoz de la Dehesa [+]
| |||
Martín Muñoz de la Dehesa [marTIN muNJOZ delaDEsa] estas municipo en la plej okcidenta pinto de la provinco Segovio, en la regiono Kastilio-Leono, Hispanio. Ĝi apartenas al la komarko Campiña Segoviana. La loknomo Martín Muñoz de la Dehesa estas etimologie komprenebla ankaŭ kiel Dehesa de Martín Muñoz, tio estas Malferma Kverkaro de M.M. aŭ inverse.
Geografio
[redakti | redakti fonton]Ĝia municipa teritorio okupas totalan areon de 17,66 km² kaj laŭ la demografia informo de la municipa censo fare de la INE en 2021, ĝi havis 244 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte 125 el la 1930-aj jaroj, sed poste rekuperis 50 el la 1980-aj jaroj.
Ĝi distas 43 km de Segovio, provinca ĉefurbo kaj limas kun municipoj Arévalo (provinco Avilo], Donhierro, Rapariegos kaj Montuenga.
Ĉefaj arbaroj estas de pinoj, kaj duarange poploj kaj ulmoj.
Historio
[redakti | redakti fonton]Estas restaĵoj de keltoj, romianoj kaj visigotoj. La areo apartenis unue al la Regno Kastilio. En Mezepoko okazis reloĝado.
La plej antikva dokumenta mencio datas de 1240 kiam la loko nomiĝis San Juan de la Dehesa dum apude estis alia municipo nomita Palacios de la Dehesa. Aludoj al "dehesa" (malferma kverkaro) rilatis al ampleksa areo malpermesita por agrikulturo kaj rezervita por vaganta brutobredado.
Kvankam la iama loĝloko nomiĝis San Juan ĝi ĉiam ricevis la nomon Martimuñocillo pro ia similaĵo aŭ rilato nun neklara kun Martín Muñoz de las Posadas ĝis 1587 kiam ĝi aperis kun la nuna nomo Martín Muñoz de la Dehesa por la unua fojo.
Aktualo
[redakti | redakti fonton]Tradiciaj enspezofontoj estis agrikulturo (cerealoj, betoj kaj vitejoj) kaj brutobredado (bovoj) kaj rilata komercado. Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis tre diversaj vizitindaj vidindaĵoj kiel la preĝejo de Nuestra Señora de la Asunción del Castillo, la Palaceto Villa Jesusa, arkeologia kuŝejo kaj la mudeĥara ponto La Mora survoje al Arévalo.