Muzeo-librejo Clarence Bicknell

El Vikipedio, la libera enciklopedio
Jump to navigation Jump to search
Fasado de la muzeo kaj arkeologia biblioteko Bicknel
Fasado de la muzeo kaj arkeologia biblioteko Bicknell. En la ĝardeno de la biblioteko troviĝas surprizinda Ficus Magnolioides.

La muzeo-librejo Clarence Bicknell situas en Bordighera, urbeto de regiono Ligurio en nordokcidenta Italio. Ĝi estis fondita de la esperantisto Clarence Bicknell, realigita inter la jaroj 1886 kaj 1888 laŭ projekto de angla arkitekto Clarence Tait, kaj estis la unua muzeo kreita en okcidenta Ligurio.

Historio[redakti | redakti fonton]

Al multnombraj kleraj samlandanoj interesitaj pri historio kaj lokaj tradicioj, Clarence Bicknell oferis en 1888 tiu ĉi loko kie kunveni kaj kulturi la studojn, en trankvila etoso: muzeo, la unua en okcidenta Ligurio, konstruaĵo en kiu harmonie fandiĝis la tipa stilo de protestanta preĝejo kun tipe mediteraneaj portiko kaj dekoracioj, en parko kiu sinteze presentis la botanikan riĉecon de la regiono.

En la granda centra salono okazis prelegoj, koncertoj, eksposicioj, renkontiĝoj, bonfaraj vesperoj, kaj iom post iom ĝiaj vandoj riĉiĝis per montofenestroj kie estis kolektitaj la plej diversaj historiaj kaj naturalistaj trovitaĵoj de la regiono; botanikaj, mineralogiaj, faŭnistaj kolektoj kaj samtempe komencis formiĝi la unua nukleo de la Internacia Biblioteko, origine “English Lending Library”.

Post la morto de Bicknell la aktivecon daŭrigis lia nevo Edward Berry kun la helpo de lia edzino Margaret kiu, iĝante vidvino, decidis konfidi la muzeon kaj la Internacian Bibliotekon al la juna fakulo Nino Lamboglia, fondinto en 1932 de la “Società Storico-Archeologica Ingauna”.

Lamboglia, komprenante la gravecon havi riĉan kolekton de fontoj artaj-historiaj kaj arkeologiaj, daŭrigis dum la jaroj ampleksigi ĝin ĝis kiam ĝi iĝis unu el la plej gravaj kolektoj ne nur en Italio sed ankaŭ je internacia nivelo.

Estrita ekde 1937 de la Istituto Internazionale di Studi Liguri (Internacia Instituto pri Liguraj Studoj), ĝi estas la plej grava kolekto de arkeologiaj publikaĵoj de norda Italio.

Kolekto[redakti | redakti fonton]

La Biblioteko Clarence Bicknell enhavas nuntempe 90 mil volumojn. Ĝi pritraktas multajn gravajn fakojn, interalie :

  • ceramiko
  • subakva arkeologio
  • historio
  • kaj ankaŭ du gravaj kolektoj, nome la fonduso Rossi kaj la fonduso Bicknell.

La fonduso Clarence Bicknell kolektas manuskriptojn kaj dokumentojn rilatajn al la agado de la fondinto de la biblioteko, kaj enhavas publikaĵojn pri botaniko kaj naturalismo.

Katalogo enreta[redakti | redakti fonton]

La publikaĵoj (tiuj ekde 1993) de la biblioteko estas disponeblaj sur la franca retejo Frantiq (de la ĉefpaĝo "Je recherche" : "Institut International d’Études Ligures" + indiku unuiquement dans le catalogue,

Ekstera ligilo[redakti | redakti fonton]

Frantiq

Vidu ankaŭ[redakti | redakti fonton]

Clarence Bicknell