Nevado del Quindío

El Vikipedio, la libera enciklopedio
Salti al navigilo Salti al serĉilo

La Nevado del Quindío [kinDIo] estas neaktiva vulkano situa en la montaro Centra Kordilero de Andoj en centra Kolombio. Ties montopinto markas la tripunkton de la departementoj Risaralda, Kindio kaj Tolima, kaj ĝi estas ankaŭ la plej alta punkto de la departementoj Risaralda kaj Kindio. La monto estas unu el la plej altaj pintoj en la Nacia Parko Los Nevados, kiu estas natura rezervejo. Ne estas historiaj registroj de ajna erupcio.

La Nevado del Kindio estas 4 760 m alta.

The neĝokampoj kaj glaĉeroj en la monto estas malpliiĝantaj progrese, ĉirkaŭ 10 % jare ekde la unuaj sciencaj mezuroj en la fino de la 1980-aj jaroj, supozeble pro la tutmonda varmiĝo (vidu artikolon Forceja efiko por detaloj).

La monto havigas belajn pejzaĝojn, kio allogas turistajn vizitantojn la tutan jaron. La plej malalta parto estas nubarbara habitato, riĉa en endemiaj specioj.

Botanikisto Alexander von Humboldt vizitis la areon en 1801, kaj priskribis novajn speciojn kiaj speco de sunfloro nome Espeletiafrailejón en la hispana.

Eksteraj ligiloj[redakti | redakti fonton]