Ocón

Ocón
municipality of La Rioja (en) vd
Administrado
Poŝtkodo	26148
En TTT	Oficiala retejo [+]
Demografio
Loĝantaro	318 (2023) [+]
Loĝdenso	5 loĝ./km²
Geografio
Geografia situo	42° 18′ N, 2° 15′ U (mapo)42.2975-2.245Koordinatoj: 42° 18′ N, 2° 15′ U (mapo) [+]
Alto	556 m [+]
Areo	61 km² (6 100 ha) [+]
Horzono	UTC+01:00 [+]
	Ocón (Provinco Rioĥo)
	Situo de Ocón
	Ocón (Hispanio)
	Situo de Ocón
Alia projekto
	Vikimedia Komunejo Ocón [+]
	v • d • r

Ocón [oKON] estas vilaĝo kaj municipo de Rioĥo (norda Hispanio), nome en la norda Komarko de Logronjo kun ĉefurbo en la provinca kaj regiona ĉefurbo Logronjo. La municipo estas formata de la loĝlokoj Aldealobos, Las Ruedas, La Villa de Ocón, Los Molinos, Oteruelo, Pipaona kaj Santa Lucía.

Geografio

Ĝi estas en la supra parto de la nomita Valo de Ocón je 41 km de la rioĥa ĉefurbo.

La municipa teritorio estas atingebla de la regiona ŝoseo LR-472. Laŭ tiu, Ocón estas sude de El Redal kaj de tie kontaktebla kun la cetero de la valo, de la komarko kaj de la regiono.

Historio

Estis restaĵoj de romia epoko, ĉefe rilate al iama ŝoseo.

Inter 1004 kaj 1035 Ocón estis konkerita de Sanĉo la Granda de Navaro kaj García "de Nájera" (lia filo), kiu edziĝinta kun Estefanía Berenguer, en 1054, ricevis la valon. Dum la minoritato de Alfonso la 8-a de Kastilio, la reĝo de Navaro luktis por rekupero de la teritorioj de Rioĥo kiuj estis kaptitaj de Kastilio. De Oktobro 1162 ĝis Marto de la venonta jaro la navaranoj okupis Logronjo-n, Navarrete, Entrena, Pazuengos, Ausejo, Resa, Autol, Quel kaj Ocón. En 1173 la kastilianoj ekrekuperis Rioĥon kaj aliancitoj kun Aragono rekuperis, inter aliaj, Ocón. En 1174 Alfonso la 8-a donis al Ocón la municipan foruon de Ocón.

En 1176 la reĝoj Alfonso la 8-a de Kastilio kaj Sanĉo la Saĝulo de Navaro decidis solvi la teritoriajn malkonsentojn kun kiel arbitro la angla reĝo Henriko la 2-a. Inter la lokoj postulitaj de la navara reĝo estis Ocón sed tiu postulo estis malakceptita. Poste ĝi estis donita al Ramiro Sánchez de Asiain fare de Henriko de Trastámara, sed tiu aliris al la tendaro de la navara reĝo, pro kio oni senigis lin el tiu donaco, kaj la Senjorlando de Ocón iris al servisto de Johano la 1-a, nome Diego López Manrique, Senjoro de Amusco, Redecilla, Navarrete kaj Treviño. El la 2a de Februaro 1379 Ocón apartenis al la Senjorlando de la Grafoj de Treviño kaj poste al iliaj posteuloj, nome la Dukoj de Nájera.

Ocón, ĝis la 19a de Majo 1865 apartenis al la komunumaro nomita Tierra de Ocón, kiu havis komunajn organizadon kaj regularon. La Tierra de Ocón enhavis dek domarojn: nome Aldealobos, Los Molinos, Oteruelo, Pipaona, Las Ruedas, San Julián, Santa Lucía, Corera, El Redal kaj Galilea krom la ĉefurbo Ocón.

Aktualo

La rura elmigrado okazis ĝenerale en multaj apudaj loĝlokoj laŭlonge de la 20-a jarcento, kaj same en Galilea, kie oni malaltiĝis el presakŭ 1 500 loĝantoj ĝis nunaj 300.

La ekonomio estis bazata ĉefe sur la brutobredado, agrikulturo kaj turismo.

Vizitindaĵoj estas la preĝejo, ermitejoj ktp.