Orjaĥovo

El Vikipedio, la libera enciklopedio
Salti al navigilo Salti al serĉilo
ISO
Orjaĥovo
Oryahovo6TB.jpg

Blazono

Blazono
Administrado
Lando Bulgario
Provinco Vraca
Poŝtkodo 3300
Aŭtokodo ВР
Telefona antaŭkodo 09171
Retpaĝaro oriahovo.bg
Demografio
Loĝantaro 6,651
Loĝdenso 115 loĝ./km²
Geografio
Koordinatoj 43°44′N 23°58′O  /  43.733°N, 23.967°O / 43.733; 23.967 (Orjaĥovo)
Alto 173 mŜablono:Informkesto urbo/zorgado/numero
Areo 50,792 km² ( 507 9.2 ha) [+]
Horzono UTC+02:00 [+]
Situo de Orjaĥovo
i1
Alia projekto
Commons-logo.svg Vikimedia Komunejo Oryahovo [+]
v  d  r
Information icon.svg

Orjaĥovo (bulgare: Оряхово) estas havenurbo ĉe la dekstra bordo de Danubo en norda Bulgario. Ĝi situas malsupre (oriente) de la enfluo de Ogosto en Danubon.

Pramo konektas la urbon al la rumana urbo Bechet aliborde. Estas planoj konstrui ponton.

Arkeologiaj trovaĵoj pruvas, ke la loko estis loĝata jam en Neolitiko. En historiaj tempoj la nomoj de la urbo variis: dokumentoj mencias Vrhov, Orezov, Oreov kaj Rahovo. En 1886 la nuna nomo estis oficiale alprenita. La nomo Rahov ankoraŭ estas menciita en la Enciklopedio de Esperanto sub la gloso de insulo Esperanto.

Situo[redakti | redakti fonton]

Orjaĥovo situas 190 km nord-oriente de Sofio kaj 75 km norde de Vraca. Male al la aliborda urbo Bechet ĝi situas rekte ĉe Danubo kaj posedas havenon. Laŭ alto la urbo etendiĝas de 30 m super marnivelo (ĉe Danubo) ĝis 226 m. 95 km oriente estas la sekva iom granda urbo ĉe Danubo, Nikopol.

La haveno servas ne nur la pramon al la alia riverbordo, sed ankaŭ la trafikon laŭlonge de Danubo.

Al aŭta trafiko servas la bulgaraj vojoj 11 (orienten kaj sud-okcidenten) kaj 15 (okcidenten). La pramo atingas la rumanan nacian vojoj DN 55, kiu iras norden al Craiova.

Komunumaj partoj[redakti | redakti fonton]

Al la komunumo Orjaĥovo apartenas krom la urbo jenaj vilaĝoj: Selanovci, Leskovec, Galovo, Ostrov, Gorni Vadin kaj Dolni Vadin. Ĉiuj situas oriente de la urbo, ĉe aŭ ne tro malproksime de Danubo.

Insulo Esperanto[redakti | redakti fonton]

Insulo Esperanto situas ĉ. 5 km oriente de la urbo, proksime de vilaĝo Leskovec. La insulo estas neloĝata, kovrita de arbaro. La rivera brako inter ĝi kaj la bulgara bordo estas nur kelkdek metrojn larĝa, foje malpli; la pliparto de la rivero fluas aliflanke. La insulo situas 5 km oriente de la urbo (survojo al Nikopol). Sur la vidalvida marbordo situas loko por ripozo kun strando, parko kaj restoracio. La areo estis nomita Esperanto, ĉar ĉi tie en 1937 okazis Monda Esperanto-Kongreso[1].

Eksteraj ligiloj[redakti | redakti fonton]

Artikolo de bulgaria-property.com angle

Referencoj[redakti | redakti fonton]

  1. (angla) Oriahovo - transport, Bulgarian Coastal Properties.