Peridotito

Ne konfuzu ĉi tiun artikolon kun Peridoto.

Periodito el la Atlantida Masivo, sub la Atlantiko

En geologio, peridotito estas vulkana petro konsistanta plejparte de olivino kune kun piroksenoj.

Priskribo

Diagramo (anglalingva) de kontinuaĵo de vulkanaj petroj. La ekstremo plejparte olivina nomiĝas olivinito.

Ekzistas dudimensia kontinuaĵo de vulkanaj petroj, konsistanta el miksaĵo de olivino, ortopirokseno, kaj klinopirokseno. La duono de tiu kontinuaĵo, kiu enhavas pli da olivino ol piroksenoj, nomiĝas peridotito. (La alia duono, pli piroksena ol olivina, nomiĝas piroksenito.)

La ekstrema periodito, konsistanta preskaŭ nur el olivino, nomiĝas olivinito.

Loko

Periodito estas la petro, el kiu la supra termantelo plejparte konsistas.

Etimologio

Peridotito nomiĝas laŭ peridoto, gemkvalita olivino.

Vidu ankaŭ

• Olivino (peridoto, krizolito)
• Olivinito

Eksteraj ligiloj

• Peridotiit (finne). Kivid.info.
• Peridotite (angle). Encyclopædia Britannica.