Piélagos

El Vikipedio, la libera enciklopedio
Salti al navigilo Salti al serĉilo

Piélagos (prononcu PJElagos) estas municipo en Kantabrio (Hispanio). Laŭ censo de 2012, ĝi havis 23 211 loĝantojn.

Ties limoj estas norde la Kantabra Maro, okcidente Miengo, Polanco kaj Torrelavega, sude Puente Viesgo kaj Castañeda, kaj oriente Villaescusa, Camargo kaj Santa Cruz de Bezana.

Ĝi situas en la industria kaj plej loĝita areo de Kantabrio, tio estas, la areo inter la urboj Santandero kaj Torrelavega. Tradicie, la unuaranga sektoro tre viglis pro aktiva bruto-brutado, kaj pro ĝia strategia situo, en la urbo instaliĝis pluraj entreprenoj, inkluzive kelkaj laktejoj. Pro la beleco de ties marbordo kaj bona transporta komuniko, konstruiĝis en la municipo pluraj loĝejoj, ofte malrespekte de la natura medio.