Pio la 6-a

El Vikipedio, la libera enciklopedio
Saltu al: navigado, serĉo
Papo
Pio la 6-a
250-a papo de la Katolika eklezio
Pompeo Batoni - Ritratto di Papa Pio VI (National Gallery of Ireland).jpg
Naskonomo Giovanni Angelo Conte Braschi
Pontifiko de 15-a de februaro 1775
ĝis 29-a de aŭgusto 1799
Antaŭulo Klemento la 14-a
Sekvanto Pio la 7-a
Persona informo
Naskiĝo 27-a de decembro 1717
en Cesena, Italio
Morto 29-a de aŭgusto 1799
en Valenco, Francio
Tombo Vatikanaj Grotoj [#]
Lingvoj latina lingvo [#]
[#] Fonto: Vikidatumoj
v  d  r
Information icon.svg

Pio la 6-a (Giovanni Angelo Conte Braschi) naskiĝis la 27-an de decembro 1717 en Cesena kaj mortis la 29-an de aŭgusto 1799 en Valenco. Li estis papo ekde 1775 ĝis 1799.

Li estis elektita papo nur preskaŭ kvin monatojn post la morto de papo Klemento la 14-a, la 15-an de februaro 1775. Li estis pastro ekde 1758 kaj kardinalo ekde 1773.

La 10-an de marto 1791, respondante la deklaracion de homaj kaj civitanaj rajtoj, li skribis: Ĉu eblas elpensi iun pli grandan sensencaĵon ol tian dekreton pri egaleco kaj libereco por ĉiuj?

En la jaro 1796 la Papa Ŝtato estis okupita de francaj trupoj. La papo devis pagi milionan sumon al Francio. Kiam post tio li koaliciis kun Aŭstrio kaj Napolo, la francoj atakis denove kaj deklaris Romon respublikon la 15-an de februaro 1798. La papon oni proklamis elpelita kaj oni ekzilis lin unue al Sieno, poste al Florenco. Fine, jam malsanege oni forkondukis lin al Francio, kie li mortis dum la somero 1799.