Saltu al enhavo

Projekta diskuto:Amerika monato 2021

Paĝenhavo ne ekzistas en aliaj lingvoj.
El Vikipedio, la libera enciklopedio

Amerika monato en Vikimedio - 2021

Reta redakta maratono dediĉita al Ameriko

Ŝablonoj[redakti fonton]

Mi deziras scii ĉu alkalkuleblas ŝablonoj, se oni speciale kreis iun por kompletigi artikolon? (ekzemple: {{Metroo de Montrealo}} por kompletigi artikolon Verda linio (metroo de Montrealo). --Dominik (diskuto) 06:57, 5 okt. 2021 (UTC)[Respondi]

Kiel estas skribite en la reguloj, nur artikoloj estas akceptataj. Tial ŝablonoj (kaj kategorioj, dosieroj ks) ne alkalkuleblas. KuboF Hromoslav (diskuto) 14:36, 17 okt. 2021 (UTC)[Respondi]

Regularo[redakti fonton]

Saluton, mi legas en la regularo, ke "De nove kreita frazlibro en Vikivojaĝo unue minusiĝas 10 000 kB". Ĉu vere 10 mil kilobitokoj, do fakte 10 megabitokoj? Tio ja estas dek milionoj da signoj – eble iom tro. Ĉu tio ne estas eraro? --Marek "Blahma" BLAHUŠ (diskuto) 10:07, 15 okt. 2021 (UTC)[Respondi]

@Blahma: oni devas kontroli kiom peza estas la skemo voy:Vikivojaĝo:Skemo_por_frazlibro kaj minusigi tiun ekzaktan nombron (https://eo.wikivoyage.org/w/index.php?title=Vikivojaĝo:Skemo_por_frazlibro&action=info)! Mi mem ne estas tro ofta kontribuanto ĉe Vikivojaĝo kaj krome mi konkurencas. Eble @KuboF Hromoslav: povus pli bone respondi, mi ne memoras kiu estas la oficiala kalkulanto de la vikikonkurso, mi vidos ĉe OpenProject. -- Radioamatoro (diskuto) 13:08, 16 okt. 2021 (UTC)[Respondi]
@Blahma, jes, vere temas pri eraro - devas esti simple bitokoj, ne kilobitokoj! Dankon pro sciigo! Mi ĵus korektis la regularon. Neniu dume partoprenis per nove kreita frazlibro, do la korekto ne faras mal/avantaĝon por jam registritaj kontribuoj. KuboF Hromoslav (diskuto) 14:41, 17 okt. 2021 (UTC)[Respondi]

Amerika monato 2021 finiĝis! Dankon pro via partopreno kaj plue ĝuu![redakti fonton]

La konkurso Amerika monato 2021 ĵus oficiale finiĝis! Specife mi gratulas kaj dankas al la partoprenintoj Canicjusz, Yehadut, Dominik, Radioamatoro, Arbarulo, Zam du mil, Yurij Karcev - vi helpis al plua disvolviĝo de Vikipedio. Aldone, mi aparte atentigas pri la artikoloj rilataj al la Universala kongreso en Montrealo - partoprenontoj de tiu ĉi la plej granda manifestiĝo de Esperanto povos veturi kaj partopreni la kongreson pli facile, pli sekure, pli ĝuinde, pli malmultekoste danke al via subteno! Tiu ĉi unua provo pri formala kunlaborado kun organizantoj de Esperantaj renkontiĝoj nin instruis multe kaj ni inkludos la lernitaĵojn al estontecaj projektoj. Espereble ankaŭ organizantoj de aliaj renkontiĝoj pli utiligados la eblojn, kiujn niaj vikioj provizas al ili.

Pri sekvaj paŝoj: Mi jam petis kunorganizanton kalkuli la rezultojn. Post ĉ. semajno mi komencos kontakti la venkintojn pri transdono de premioj de ELiSo. Ĉiuj premioj de ELiSo estos transdonitaj ĝis fino de Novembro 2021. La teamo de UK en Montrealo (kiu sponsoris parton pri la kongreso) post ĉ. semajno ricevos informojn pri partoprenintoj kaj memstare zorgos pri kontaktado de venkintoj. Nome de la organiza teamo, KuboF Hromoslav (diskuto) 12:16, 1 nov. 2021 (UTC)[Respondi]