Publika trafiko de Budapeŝto
En Budapeŝto la publika trafiko okazas precipe fare de metrooj, tramoj kaj aŭtobusoj, iom malpli gravaj estas la troleoj, interurbaj tramoj kaj trajnoj. Fine estas ankaŭ specialaj trafikiloj.
Metroo[redakti | redakti fonton]
Pli detalaj informoj troveblas en artikolo Metroo de Budapeŝto.La urbo disponas pri bone funkcianta metroreto. La unua metroo startis jam en 1896.
Tramo[redakti | redakti fonton]
Pli detalaj informoj troveblas en artikolo Tramtransporto en Budapeŝto.La plej frue ĉevaltiraj tramoj funkciis. Poste aperis la flavaj elektraj tramoj.
Interurba tramo[redakti | redakti fonton]
Pli detalaj informoj troveblas en artikolo BHÉV.La interurbaj tramoj trafikas al la proksimaj urbetoj, ekzemple al Gödöllő, Szentendre kaj escepte al Csepel. Ili estas verdkoloraj kaj en Budapeŝto la samaj biletoj validas.
Aŭtobuso[redakti | redakti fonton]
La aŭtobusoj estas blukoloraj. Parto haltas en ĉiuj haltejoj, alia parto nur en la pli gravaj haltejoj, kelkaj nur en la finhaltejoj. La aŭtobusa reto etendiĝas ankaŭ en la najbaraj komunumoj, ekzemple Törökbálint, Nagykovácsi. Ankaŭ nokte iom da aŭtobusoj servas.
Troleo[redakti | redakti fonton]
La unua linio funkciis jam antaŭ la 2-a mondmilito. Dum la socialismo ili estis pli vaste uzataj, ili estas ruĝaj kaj ili trafikas nur en Pest.
Fervojoj[redakti | redakti fonton]
La plej multaj trajnoj alvenas ĉe la tri kapostacioj: Keleti pályaudvar (orienta stacio), Nyugati pályaudvar (okcidenta) kaj Déli pályaudvar (suda). De la orienta kaj okcidenta stacioj en Pest ekzistas rektaj trajnoj al 25 eŭropaj ĉefurboj (kun Vieno konektas Budapeŝton trajnoj Railjet de ÖBB). De la suda stacio en Buda oni povas vojaĝi interalie al Balatono. Ĉiuj tri stacioj atingeblas per metroo. Krome ekzistas kelkaj malgrandaj stacioj por vojaĝantoj kaj varoj. Tiuj malgrandaj stacioj same tiel servas la pasaĝerojn, ol la interurbaj tramoj.
Flughaveno[redakti | redakti fonton]
.jpg)
La ĉefurbo havas internacian flughavenon havanta la nomon Liszt Ferenc. La vojaĝantoj povas atingi ĝin per aŭtobuso aŭ vagonaro.
Ceteraj trafikiloj[redakti | redakti fonton]
En Buda dentorela fervojo, infana fervojo, aertelfero kaj funikularo trafikas. Laŭ la Danubo ŝipoj trafikas, kelkaj funkcias, kiel pramo.