Robert Lansing (aktoro)
| Robert Lansing | ||
|---|---|---|
| ||
| Persona informo | ||
| Naskonomo | Robert Howell Brown | |
| Naskiĝo | 5-an de junio 1928 en San-Diego | |
| Morto | 23-an de oktobro 1994 (66-jaraĝa) en Nov-Jorko | |
| Mortis pro | naturaj kialoj vd | |
| Mortis per | kancero vd | |
| Tombo | Union Field Cemetery vd | |
| Lingvoj | angla vd | |
| Ŝtataneco | Usono vd | |
| Familio | ||
| Edz(in)o | Emily McLaughlin vd | |
| Profesio | ||
| Okupo | televida aktoro • filmaktoro • teatra aktoro vd | |
| Aktiva dum | 1951– vd | |
| vd | Fonto: Vikidatumoj | |
Robert LANSING estas artnomo de Robert Howell Brown (1928 - 1994), usona aktoro. Lansing laŭdire prenis sian artnomon de Lansing, la ŝtata ĉefurbo de Miĉigano, ĉar kiel juna aktoro en Novjorko, li estis dungita por aliĝi al akcia kompanio en Miĉigano, samtempe ke li devus aliĝi al la Actors' Equity Association. La aktora asocio ne permesis al li aliĝi kiel "Robert Brown" ĉar alia aktoro jam uzis tiun nomon. [1] Dum junaĝo en radio, li ankaŭ uzis sian anglalingvan karesnomon Bob Brown.
Lansing militservis du jarojn en la usona armeo en Osako, Japanio, kie li laboris ĉe American Forces Network [Usona armea radio].
Dum sia longa kariero, kiu daŭris kvin jardekojn, Lansing aperis en 245 epizodoj de 73 televidaj serioj, 11 televidfilmoj kaj 19 kinfilmoj.
Lansing unue aperis en Broadway en la teatraĵo Stalag 17 (1951) reĝisorita de José Ferrer, kiu invitis Lansing partoprenis prezentaĵojn ĉe New York City Center kiel Cyrano de Bergerac kaj Rikardo la 3-a. Li ankaŭ aktoris en teatraĵoj kiel Suddenly, Last Summer, Charley's Aunt kaj The Great God Brown. Televide li aperis en Kraft Television Theatre en kino, Lansing debutis en Camera Three kaj ĉefrolis en la filmo de sciencofikcio 4D Man (1959).
Dum 1960-aj jaroj li rolis en filmoj kiel A Gathering of Eagles, Under the Yum Yum Tree, An Eye for an Eye kaj Namu, the Killer Whale kaj dekoj da televidserioj, inter aliaj The Twilight Zone, Wagon Train, Daniel Boone, The High Chaparral, The Virginian, Ironside, Star Trek kaj The Name of the Game.
Sekve, en 1970-aj jaroj li aperis en televidserioj The Flying Nun, The Interns, The Rookies kaj Bonanza inter aliaj kaj en filmoj kiel The Grissom Gang, Killer by Night, Acapulco Gold, Bittersweet Love.
En la fino de 1970-a kaj 1980-a jardeko li partoprenis ne tiel bonajn produktaĵojn kiel The Deadly Triangle, Empire of the Ants, S.H.E: Security Hazards Expert (en kiu aktoris ankaŭ Omar Sharif), The Nest kaj Bionic Showdown: The Six Million Dollar Man and the Bionic Woman.
En la fino de 20-a jarcento li aktoris en televidserioj Against the Law, Law & Order, Murder, She Wrote kaj Kung Fu: The Legend Continues.
Referencoj[redakti | redakti fonton]
- ↑ Duffin, Allan T.. (Sep 30, 2005) The 12 O'Clock High Logbook: The Unofficial History of the Novel, Motion Picture, and TV Series.. BearManor Media.