Roko de Šemnice

El Vikipedio, la libera enciklopedio
Salti al navigilo Salti al serĉilo
Roko de Šemnice en 1870

Roko de Šemnice (ĉeĥe: Šemnická skála) estas monteto en Ĉeĥio, ŝtata natura rezervejo jam ekde la jaro 1933.

La roko estas vulkandevena, kovrita per natura miksita arbaro. Šemnic-roko estas fonolita koruso, kun krutaj rokaj deklivoj al la valo de rivero Ohře. Ĝi estas alta 641 m super marnivelo. La monto havas sian karakterizan floraron kaj belega estas promeno tra miksita arbaro. Laŭ la turisma vojo oni povas malrapide proksimiĝi al ĝi de la vilaĝo Dubina, kiu troviĝas proksime de Radošov aŭ de la civito Anĝel-Monto (Andělská Hora).

Amplekso de la nuntempa ŝtata rezervejo estas pli ol 7 hektaroj. Sur la pinto de Šemnic-roko staras tabulo, kiu parolas pri tiu rezervejo kaj anoncas, ke en la arbaro loĝas nia plej granda strigo: gufo (latine: bubo-bubo).

El la pinto, kie estas eble ripozi, oni povas ankaŭ divers-direkten ĉirkaŭiradi - aŭ al la montareta ĉena de Doupov-montaro, aŭ al la valo de la rivero Ohře; kaj en la sama direkta malantaŭe estas vi-debla Ercmontaro.