San Pedro del Romeral
| San Pedro del Romeral | |||
|---|---|---|---|
 | |||
| municipality of Cantabria | |||
|
| |||
| Blazono | |||
| Administrado | |||
| Poŝtkodo | 39... | ||
| En TTT | Oficiala retejo [+] | ||
| Demografio | |||
| Loĝantaro | 445 (2023) [+] | ||
| Loĝdenso | 7 loĝ./km² | ||
| Geografio | |||
| Geografia situo | 43° 7′ N, 3° 49′ U (mapo)43.116666666667-3.8172222222222Koordinatoj: 43° 7′ N, 3° 49′ U (mapo) [+] | ||
| Alto | 755 m [+] | ||
| Areo | 65 km² (6 500 ha) [+] | ||
| Horzono | UTC+01:00 [+] | ||
_Mapa.svg)
| |||
| |||
| |||
|
| |||
| Alia projekto | |||
 Vikimedia Komunejo San Pedro del Romeral [+]
| |||
.svg)
San Pedro del Romeral [sanPEdro delromeRAL] estas municipo en centrorienta Kantabrio, Hispanio, en la komarko Valles Pasiegos kaj subkomarko Pas-Miera. La loknomo San Pedro del Romeral estas etimologie komprenebla kiel Sankta Petro de la Rosmarenejo, kaj tiukadre en la municipa blazono videblas supre la ŝlosiloj simbolaj de Sankta Petro kaj malsupre planto de rosmareno.
Ĝi estas unu el la tri nomitaj "tres villas pasiegas" (Pas-urboj) nome Vega de Pas, San Roque de Riomiera kaj San Pedro del Romeral mem.
Geografio[redakti | redakti fonton]
Ĝi limas kun Vega de Pas, Luena kaj sude kun la provinco Burgoso. La municipo estas sur la baseno de la rivero Pas, en la subkomarko Pas-Miera.
Demografio[redakti | redakti fonton]
Por areo de 57,44 km² estas 474 loĝantoj (laŭ censo de 2021). La 474 loĝantoj (2021) estas distribuataj en jenaj loĝlokoj:
- Alar, 97 loĝantoj en 2006 (INE).
- Aldano, 23 loĝ.
- Bustaleguín, 37 loĝ.
- Bustiyerro-El Rosario, 52 loĝ.
- Hornedillo, 17 loĝ.
- La Peredilla, 24 loĝ.
- San Pedro del Romeral (ĉefurbo), 160 loĝ.
- La Sota, 83 loĝ.
- Vegaloscorrales, 48 loĝ.
- Vegalosvados, 20 loĝ.
La rura karaktero de la municipo kaj ties izoligo favoris malpliigon de la loĝantaro komencita en la 1940-aj jaroj konstanta ekde tiam.
| 1900 | 1910 | 1920 | 1930 | 1940 | 1950 | 1960 | 1970 | 1980 | 1990 | 2000 | 2007 | 2015 |
|---|---|---|---|---|---|---|---|---|---|---|---|---|
| 1078 | 1132 | 1223 | 1202 | 1265 | 1195 | 1165 | 1011 | 1015 | 957 | 645 | 565 | 461 |
Fonto: INE
Ekonomio[redakti | redakti fonton]
Tradicie, la ekonomia agado de la municipo estis agrikulturo kaj brutobredado. Sed nuntempe oni transiris iome al turismo kaj industrio. Ĉiuokaze ankoraŭ 49,5 % de la laboristaro de la municipo dediĉas sin al la unuaranga sektoro, 20,7 % al la konstruado, 5,6 % al industrio kaj 24,2 % al triaranga sektoro. En la municipo la dungiteco estas de 46,7 % kaj sendungeco de 23,00 %, dum averaĝoj en Kantabrio estas ĉirkaŭ 52,5 % kaj 14,2 % respektive.
Inter vidindaĵoj menciindas la tradicia arkitekturo kaj la preĝejo.