Savo

Savo - latine Salvatio - estas

1. la ago liberigi iun de danĝero aŭ morto,
2. la ago gardi ion de difekto aŭ pereo,
3. en aparta teologia senco, la ago liberigi animon de damniĝo - Vidu en Savo (Biblio).

	„ por la savo de via vivo Dio sendis min. ”

Saviĝo responde estas

1. la eskapo el danĝero aŭ morto,
2. la gardiĝo de difektiĝo aŭ pereo, do la stato de eksterdanĝereco, kaj
3. en aparta teologia senco, la stato de postmorta eterna feliĉo. Memfida kristanisma eldiro ekzemple estas la aserto, ke "ekster la eklezio ne estas saviĝo (PIV).

	„ Mi tre dezirus, ke li saviĝu el tiu situacio, en kiun li sin enmetis.Z ”

	„ David foriris ... kaj saviĝis en la kaverno. ”

Vidu ankaŭ

• Al la religia, kristanisma signifo de la vorto aludas la nomo de la kristanisma organizaĵo Sava Armeo (angle Salvation Army).
• Soteriologio
• Savo ankaŭ estas la origina finna formo de nordeŭropa regiono esperante nomata Savonio.

Bibliografio

• Paolo de Benedetti (1927-2016), Quale Gesù, Morcelliana, 2014. (Temo: Ĉu vere necesas ke pekliberiga ofero devas esti senfina ĉar ankaŭ la ofendo estis senfina?)