Sergio kaj Sergei
| Sergio kaj Sergei | |
|---|---|
| filmo | |
| Originala titolo | Sergio & Sergei |
| Produktadlando |  Kubo
|
| Originala lingvo | hispana lingvo |
| Kina aperdato | 8-a de septembro 2017 |
| Daŭro | 93 minutoj |
| Ĝenro | dramo |
| Reĝisoro(j) | Ernesto Daranas |
| Produktisto(j) | Joel Ortega, Jaume Roures, Ramon Samada |
| Scenaro | Ernesto Daranas |
| Laŭ la verko de | Ernesto Daranas Marta Daranas |
| Filmita en | Kubo
|
| Muziko de | Tom Linden, Micka Luna |
| Ĉefrolantoj | Tomás Cao, Héctor Noas, Ron Perlman |
| Produktinta firmao | Kuba Instituto de Kinaj Arto kaj Industrio |
| IMDb | |
Sergio kaj Sergei (hispane Sergio & Sergei) estas kuba drama filmo reĝisorita de Ernesto Daranas. Ĝi estis elektita la kuba reprezentfilmo dum la 91a Oskar-premioj de 2018 por konkurenci kiel la plej bona alilingva filmo.[1] Je la fino ne aperis en la listo de kandidatoj de la akademio en oktobro 2018.[2][3] La filmo temas pri Sergio (Tomás Cao) kuba profesoro pri marksismo, Sergei (Héctor Noas) sovetia kosmonaŭto kaj Peter (Ron Perlman) usona verkisto; ili ĉiuj estas radioamatoroj, kiuj kundividas la saman ŝatokupon nome amatora radio, kiu ebligas komunikiĝi pere de radioaparatoj. La filmo okazas kadre de la disigo de Sovetunio kaj ekkrizo en Kubo.[4][5]
Intrigo[redakti | redakti fonton]
Jaro 1991, Sovetunio disiĝas kaj Kubo estas en granda ekonomia krizo. Sergio estas radioamatoro kaj profesoro pri marksismo, li ne scias kion fari por reorientigi sian vivon. Aliflanke Sergéi estas sovetunia kosmonaŭto, li troviĝas preskaŭ forgesita en la orbitstacio MIR, kiu paneas. Sergio kaj Sergéi komunikiĝas ĉefe en la rusa ĉar la kubano studis antaŭ multaj jaroj en Sovetunio. Tio kaŭzas amikecon kaj helpos ilin alfronti la ŝanĝojn, kiuj okazas en siaj landoj. Kiel parto de la historio aperas Peter, kiu estas amiko de Sergio kaj ofte parolas inter si pere de sendriceviloj. Li estas usona radioamatoro kaj kritikanto de la usona NASA kaj ties programo, ili estas ligitaj pro amikeco inter la patro de Sergio, kiu antaŭ multaj jaroj komunikiĝis kun la usonano telegrafie.[6]
Akcepto[redakti | redakti fonton]
La filmo havis profiton de $23 268 dolarojn.[7] Laŭ la retejo Rotten Tomatoes ĝi ricevis ĝeneralan aprobon de 80% surbaze de 5 opinioj de kritikistoj.[8] Ĝi estis la plej populara filmo dum la Internacia Kuba Kinfestivalo de Havano laŭ la voĉdono de la publiko kaj la plej populara filmo el la 30a Tulusa Latinamerika Kinfestivalo.[9][10]
Referencoj[redakti | redakti fonton]
- ↑ La coproducción participada por España 'Sergio & Serguéi', elegida por Cuba para la carrera al Oscar (hispane). Audiovisual451 (2018-10-02). Alirita 2018-10-02.
- ↑ 87 Countries In Competition for 2018 Foreign Language Film Oscar (angle). Academy of Motion Picture Arts and Sciences. Alirita 2018-10-08.
- ↑ La Academia rechaza a la cubana "Sergio & Sergei" para el Oscar extranjero, donde "Roma" es favorita (hispane). Noticine (2018-10-09). Alirita 2018-10-11.
- ↑ Radioaficionados en pantalla (hispane). Alirita 2019-08-30.
- ↑ Diez días de película (hispane). Granma.cu. Alirita 2019-08-31.
- ↑ “Sergio kaj Sergei filmo pri radioamatoroj”, ILERA-bulteno (eo) (PDF) (#78).
- ↑ Monrezultoj de Sergio & Sergei (angle). The Numbers. Alirita 2018-10-22.
- ↑ Sergio kaj Sergei (2017) (angle). Rotten Tomatoes. Alirita 2018-10-22.
- ↑ Premio del Público en el Festival Cinelatino de Toulouse (hispane). Arkivita el la originalo je 2019-08-30. Alirita 2019-08-27.
- ↑ El filme Sergio y Serguei obtuvo el voto de la popularidad (hispane). Federacio de Radioamatoroj el Kubo (FRC). Alirita 2019-08-28.
