Sija van Wijngaarden

El Vikipedio, la libera enciklopedio
Salti al navigilo Salti al serĉilo

Sija VAN WIJNGAARDEN (naskiĝis la 31-an de julio 1920, mortis la 14-an de oktobro 2004 en Roterdamo) estis Honora Membro de UEA, kiu en 1985 emeritiĝis post 27-jara laboro kiel oficisto en la Centra Oficejo de UEA[1].

Ŝi aŭdis pri Esperanto en kunsidoj de la Bellamy-movado, lernis la lingvon en 1948 kaj jam en 1950 en Vieno ŝi unuafoje partoprenis en Esperanto-kongreso eksterlande.

Esperanto estis la sola fremda lingvo kiun ŝi parolis, kaj ĝi malfermis al ŝi la tutan mondon. Ĉie en la mondo ŝi havis multe da geamikoj, kiujn ŝi ekkonis pere de sia laboro en la CO kaj dum siaj multaj vojaĝoj kaj partopreno en kvardeko da Universalaj Kongresoj. Esperantistaj geamikoj kaj gekolegoj ĉeestis la funebran ceremonion la 19-an de oktobro. Nome de la Estraro de UEA parolis estraranino Ans Bakker-ten Hagen kaj, nome de la kolegoj en la Centra Oficejo, la eksa Ĝenerala Direktoro Simo Milojević. Peter den Breems omaĝis al la forpasinta aktiva membro nome de la Roterdama Esperanto-Societo Merkurio.

Notoj[redakti | redakti fonton]

  1. Forpasis Sija van Wijngaarden. En: "Esperanto" 12 (2004), n-ro 1176, p. 257.