Muzikalo

Muzikalo estas tipo de teatraĵo, kiu kombinas muzikon, kantojn, parolatan dialogon, kaj dancon. La emocia enhavo de la verko – humuro, patoso, amo, kolero – plie la rakonto mem, komunikiĝas per la vortoj, muziko, movado, kaj teknikaj aspektoj de la amuzaĵo, kiel tuto.

Muzikaloj prezentiĝas tutmonde. Ili eble prezentiĝas ĉe grandaj teatroj, kiel multekostaj prezentaĵoj en la West End de Londono kaj Broadway de Novjorko, aŭ ĉe pli malgrandaj "franĝo-teatroj," "ekster-Broadway" aŭ regionaj teatroj, per turneantaj trupoj, aŭ per diletantaj grupoj ĉe lernejoj, teatroj, kaj aliaj prezentejoj. Krom Britio kaj Usono, estas vervaj muzikalaj okazejoj en Germanio, Aŭstrio, Filipinoj, Francio, Kanado, Japanio, Orienta Eŭropo, Aŭstralio, kaj aliaj landoj.

Iuj famaj muzikal-verkoj inkluzivas la jenon:

• Oklahoma! (Oklahomo!)
• The Sound of Music (La sono de muziko)
• The Fantasticks
• West Side Story (Rakonto de la Okcidenta Flanko)
• Les Misérables (La mizeruloj)
• Cats (Katoj)
• The Phantom of the Opera (La fantomo de la operejo)
• Rent
• The Producers (La prezentistoj)