Nacia parko Malaltaj Tatroj

Montoj Ďumbier, Chopok

Nízke Tatry (Malaltaj Tatroj) estas 80 km longaj de okcidenta ĝis orienta rando inter la valoj de la riveroj Váh kaj Hron. Ili estas la tria plej granda nacia parko en Slovakio. La plej alta pinto estas Ďumbier ("Zingibro") (2043 m). Tre famaj estas ankaŭ Dereše ("Punbenkoj") kaj Kráľova hoľa ("Nudmonto de reĝo"), de kie estas bela elrigardo al montoj kaj valoj de Slovakio. Pitoreskaj dolomitaj kaj kalkŝtonaj rokegoj kaj krutaj arbaraj deklivoj bordas la naturrezervejon Demänovská dolina (valo), al kiu apartenas ankaŭ la meza parto de la valo kaj ambaŭflanke la deklivoj inter Krakova hoľa kaj Siná kun grupo de karstaj sistemoj. Ĉi tie troviĝas ankaŭ la plej famaj grotoj Demänovská ľadová jaskyňa (glacia groto) kaj Demänovská jaskyňa (groto) slobody (de libereco). Ili estas la plej belaj subteraj belaĵoj.