Malaja Duoninsulo

situo

Malaja Duoninsulo - kies suda parto nomiĝas Malaka Duoninsulo - estas longa, malvasta etendaĵo de la azia kontinento en ties suda parto.

De ĝi situas nordoriente Tajlanda Golfo, en oriento Sud-ĉina Maro, sude Marvojo de Johor, sudokcidente Malaka Markolo kaj Andamana Maro okcidente. Ĝi dividas tiel la nordorientan areon de Hinda Oceano disde la okcidenta parto de Pacifiko.

Sur la duoninsulo troviĝas ŝtatoj kiel Mianmaro, Tajlando kaj Malajzio (parte).

La duoninsulo etendiĝas de la 13-a norda latitudo ĝis la norda latitudo de 1°. Ĝi longas Tavoy ĝis Johor Baharu 1.555 km. La plej malvasta parto estas Istmo de Kra en Tajlando, kun larĝo de ĉ. 60 km. La plej alta monto estas Gunung Tahan (2 187 m).

Sudokcidente de Malaka Marvojo situas la indoneza insulo Sumatro, pli oriente Borneo. La areo estas kovrita per pluvarbaro tipa en tiu latitudo.

Biogeografie Malaja Duoninsulo troviĝas en la malaja ekoprovinco de la hindomalaja ekozono laŭ la tipologio ellaborita far la Monda Natur-Fonduso (WWF), en speciala biogeografia regiono nomata Sunda Lando. Fitogeografie, Malaja Duoninsulo estas aparta flaŭra provinco el la Malesia Regiono de la Paleotropika Regno.