Vojvodino

Mapo de Serbio kun la regiono Vojvodino rozkolore norde

Vojvodino (Vojvodino) DEC

Situo de la ĉefurbo Novi Sad en Vojvodino

Flago de Vojvodino

Vojvodino - Vojvodina [VOJvodina] (serba-cirila: Војводина; hungare: Vajdaság) - estas aŭtonoma regiono en la nordo de Serbio. Ĝi ampleksas 21506 km² kaj havas limojn kun Hungario (norde), kun Kroatio (okcidente), kun Rumanio (oriente) kaj kun Bosnio kaj Hercegovio en sudokcidento. La tereno de la regiono estas grandparte ebena. Vojvodinon trairas la riveroj Danubo, Tiso kaj Sava.
La ĉefurbo de Vojvodino estas Novi Sad.

La etna konsisto el tiu regiono estas komplika kaj riĉega. Estas 6 oficialaj lingvoj kaj ĝis 26 etnaj grupoj, el kiuj la hungaroj kun ĉirkaŭ 14 % estas la plej granda minoritato.

Distriktoj de Vojvodina: Okcidenta Baĉka (viola), Norda Baĉka (helblua), Suda Baĉka (flava), Suda Banato (blua), Norda Banato (verda), Meza Banato (ruĝa), Srem (bruna).

Historio

Tiu regiono dum la mezepoko apartenis al Hungara reĝlando, poste al Osmana Imperio, baldaŭe al Habsburga Imperio. Kiel provinco, ĝi funkciis inter 1849-1860, ĉar la Habsburgoj per tio dankis por la serboj la batalojn kontraŭ la hungaroj. Post la 1-a mondmilito Vojvodino apartenas al la estonta Jugoslavio. Post la 2-a mondmilito 100000 da germanoj estis aŭ deportitaj aŭ forpelitaj aŭ murditaj, la saman sorton havis ankaŭ la hungaroj.

Vidu ankaŭ

• Strukturo de Vojvodino
• Vojvodina Esperanto-Ligo