Vektora spaco

En abstrakta algebro vektora spaco $V$ super kampo $K$ (ankaŭ nomata lineara spaco) estas algebra strukturo kreita de nemalplena aro, kun du operacioj kaj 8 fundamentaj proprecoj: unu interna operacio kaj unu ekstera operacio. Oni notas + (adicio) por la interna operacio, $V\times V\rightarrow V,(x,y)\mapsto x+y$ kaj $\cdot$ (skalara multipliko) por la ekstera operacio $K\times V\rightarrow V,(\lambda ,x)\mapsto \lambda x$.

La trio $(V,+,\cdot )$ estas vektora spaco super $K$, se validas la sekvaj aksiomoj:

• $(V,+)$ estas komuta grupo
• $\forall x\in V,1\cdot x=x$, kie 1 estas la neŭtra elemento de $K$
• $\forall \alpha \in K,\forall (x,y)\in V\times V,\alpha \cdot (x+y)=\alpha \cdot x+\alpha \cdot y$
• $\forall (\alpha ,\beta )\in K\times K,\forall x\in V,(\alpha +\beta )\cdot x=\alpha \cdot x+\beta \cdot x$
• $\forall (\alpha ,\beta )\in K\times K,\forall x\in V,(\alpha \beta )\cdot x=\alpha \cdot (\beta \cdot x)$

La elementoj de vektora spaco nomiĝas vektoroj kaj la elementoj de $K$ nomiĝas skalaroj.

Vidu ankaŭ

• Topologia vektora spaco

Eksteraj ligiloj

• Broŝuro "Fundamentoj de lineara algebro" (pdf-dosiero, 27 p.) de Ulrich Matthias