The Arcade Machine
The Arcade Machine | |
---|---|
Disvolvo | Doug Carlston, Chris Jochumson |
Eldoninto | Broderbund |
Dato de lanĉo | 1982 |
Platformo | Apple II, 8-bitaj Atari-komputiloj |
Ĝenro | Ludkreada sistemo |
The Arcade Machine (esperante La Arkada Maŝino) estas ludkreada sistemo verkita de Chris Jochumson kaj Doug Carlston por Apple II kaj publikigita de Broderbund en 1982.[1] Louis Ewens sekve adaptis ĝin al 8-bitaj Atari-komputiloj.[1] Broderbund organizis konkurson de januaro ĝis junio 1984, kie la plej bona uzanto-kreita ludo ricevis premion de $1,500 en aparataro kaj programaro.[2] Jochumson ankaŭ verkis Track Attack por Broderbund.
Ludomaniero
[redakti | redakti fonton]La ludo permesas al ludantoj krei malamikajn eksterteranojn same kiel tiujn viditajn en Galaxian. La enluda redaktilo permesas desegni kaj animacii malamikojn, ludantojn kaj eksplodojn, doni instrukciojn al malamikoj pri movado aŭ pafado, desegni fonojn kaj titolajn ekranojn, krei son-efektojn kaj muzikon, sed ankaŭ agordi diversajn regulojn de la ludo. Finitaj ludoj sekve estas saveblaj en diskoj por ebligi sian aŭtonoman funkciadon.[3]
Recenzo
[redakti | redakti fonton]John F. Besnard recenzis la ludon por Computer Gaming World, kaj deklaris ke "la produkto mem provizas la uzanton per granda kvanto da povo. Provu kelkajn el la demonstraj ludoj liveritaj en la malantaŭo de la disko por vidi la versatilecan potencialon de la produkto."[4]
The New York Times priskribis la ludon kiel "hierofanton" pro tio, ke ĝi donas al ne-programistoj la kapablon krei ludojn. Plue, la gazeto sugestis ke kun iom da estetika plibonigo, The Arcade Machine povus esti "ludo, kiun oni povus ludi preskaŭ eterne".[5]
En 1984, InfoWorld nomis ĝin "mirinda programo", kaj komparis ĝin favore kun Pinball Construction Set.[2] La InfoWorld's Essential Guide to Atari Computers nomis ĝin "vera majstroverko".[6]
Steve Panak de ANALOG Computing skribis, ke "The Arcade Machine ne estas por tiuj kun malforta stomako, nek por tiuj kun malforta menso. Komplekseco estas ŝlosilvorto ĉi tie. Tamen, malgraŭ tio, la programo estas surprize uzant-amika, danke al bonega dokumentado". En la konkludo li avertis, ke "multaj, multaj, multaj horoj estas necesaj por krei kaj perfekte poluri vian ludon — kaj tio eĉ se vi ne estas perfektemulo."[7]
La ludo viciĝis en la listo de plej bonaj vendoj laŭ la eldono de Creative Computing de septembro 1984.[8]
Referencoj
[redakti | redakti fonton]- ↑ 1,0 1,1 The Giant List of Classic Game Programmers.
- ↑ 2,0 2,1 InfoWorld. InfoWorld Media Group, Inc. (30 January 1984).
- ↑ (1982) The Arcade Machine Manual. Broderbund.
- ↑ Besnard, John F. (Jan–Feb 1983). "The Arcade Machine". Computer Gaming World. Vol. 1, no. 8. pp. 32, 45.
- ↑ THE IMAGINATIVE PATH TO DESIGNING GAMES. The New York Times (24 May 1983).
- ↑ Mace, Scott. (1984) InfoWorld's Essential Guide to Atari Computers. Harper & Row, p. 75. ISBN 978-0-06-669006-3.
- ↑ (December 1984) “The Season's Software Sampler”, ANALOG Computing (25).
- ↑ (September 1984) “A family affair; behind the scenes at Broderbund.”, Creative Computing 10 (9), p. 157.