Trujillo (Venezuelo)

El Vikipedio, la libera enciklopedio
Salti al navigilo Salti al serĉilo

Trujillo [truĤIjo] (fondita kiel "Nuestra Señora de la Paz de Trujillo""Trujillo de Nuestra Señora de la Paz") estas urbo situa okcidente de Venezuelo, ĉefurbo de la samnomaj municipo kaj ŝtato. Tiu urbo kuŝas ĉe la Valo de Los Mukas. Ĉirkaŭata de montaroj, ĝi estas konata kiel la urbo de "Paz y Encanto" (paco kaj ĉarmo). Ĝi estas longa kaj mallarĝa, dominata de enorma skultaĵo de la Virgulino de la Paco, nome monumentego 46,72 metrojn alta, 1 200 tunojn peza, starigita sur 1 700 metrojn super la marnivelo. Inaŭgurita en decembro de 1983 ĝi estis desegnata de la skulptisto Manuel de la Fuente.

La nomo de la urbo venas el la nomo de samnoma urbo en Ekstremaduro, Hispanio.

Loĝantaro[redakti | redakti fonton]

Laŭ la censo por 2015 estis 54.233 loĝantoj, kaj tiele ĝi estas la tria urbo laŭ loĝantaro en la ŝtato Trujillo, superita nur de la urboj Valera kaj Boconó.

Geografio[redakti | redakti fonton]

La urbo situas en la anda regiono, atingante alton de 834 msm, situanta ĉe latitudo de 09º 22' 00" N kaj longitudo de 070º 25' 59" O. Krom tio Trujillo enhavas grandajn pejzaĝojn kaj montojn ekzemple la Teta de Nikitao, la roko de la Virgulino kaj la paramo Ortiz, inter aliaj. Trujillo kiu estas la plej malgranda ŝtato el la 3 ŝtatoj andaj, enhavas geografion kaj etendan kaj gravan. La reliefo estas kruta ĉar ĝi troviĝas en la Andoj de Venezuelo (nome Sierra de Mérida), kiu formas parton de la Granda Montaro Andoj kvankam ĝi posedas ankaŭ ampleksan regionon ebenan en la depresio de la Lago Marakajbo.

Eksteraj ligiloj[redakti | redakti fonton]