Tufa fraterkulo
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Reprodukta plenkreskulo, insulo Sankta Paŭlo, Alasko
| ||||||||||||||
| Biologia klasado | ||||||||||||||
| ||||||||||||||
| Fratercula cirrhata (Pallas, 1769) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Tufa fraterkulo (Fratercula cirrhata) estas marbirdo, kiu estas ĉirkaŭ 30 centimetron longa kaj pezas ĉirkaŭ kvar trionojn de kilogramo. Ĝi estas plejparte nigra, sed kun blankaj ventro kaj vizaĝa makulo. Ĝi havas grandan bekon kaj du flavecblankajn tufojn kape dum la reprodukta sezono.
Tufa fraterkulo troviĝas en la tuta norda Pacifiko. Origine tiu ĉi birdo nestis tiom sude kiel ĝis suda Kalifornio kaj kelkaj aroj ankoraŭ restas ĉirkaŭ norda Kalifornio. Ĝi preskaŭ nur nutras sin per fiŝoj, kiujn ĝi kaptas subakviĝante.
La plejmulto da tiuj ĉi birdoj travintras mare.
Aspekto
[redakti | redakti fonton]
Tufaj fraterkuloj estas proksimume 35 cm longaj kun simila enverguro kaj pezas proksimume tri kvaronojn de kilogramo, kio igas ilin la plej grandaj el ĉiuj fraterkuloj. Birdoj de la okcidentpacifika populacio estas iom pli grandaj ol tiuj de la orienta Pacifiko, kaj masklaj birdoj tendencas esti iomete pli grandaj ol inoj.
Ili estas ĉefe nigraj kun blanka vizaĝa makulo, kaj, karakterize ankaŭ por aliaj fraterkuloj, prezentas tre dikan bekon, ĉefe ruĝan kun kelkaj flavaj kaj foje verdaj markoj. Ilia plej karakteriza trajto kaj nomigilo estas la flavaj tufoj (latine: cirri) kiuj aperas ĉiujare ĉe birdoj de ambaŭ seksoj kiam la somera reprodukta sezono alproksimiĝas. Iliaj piedoj fariĝas brilruĝaj kaj ilia vizaĝo ankaŭ estas brilblanka somere. Dum la manĝsezono, la tufoj plumiĝas kaj la plumaro, beko kaj kruroj perdas multon da sia brilo.
Kiel inter aliaj aŭkedoj, la flugiloj estas relative mallongaj, adaptitaj por plonĝado, subakva naĝado, kaj kaptado de predo prefere ol glitado, por kio ili estas malkapablaj. Sekve, ili havas dikajn, malhelajn mioglobin-riĉajn brustmuskolojn adaptitajn por rapida kaj aerobe streĉa flugilbatada kadenco, kiun ili povas tamen konservi dum longaj tempodaŭroj.
Junaj tufaj fraterkuloj similas al vintraj plenkreskuloj, sed kun grizbruna brusto nuancombre al blanko sur la ventro, kaj malprofunda, flavecbruna beko. Ĝenerale, ili similas al senkorna kaj senmarka rinocera aŭko (Cerorhinca monocerata).
Reproduktado
[redakti | redakti fonton]La reproduktado okazas sur izolaj insuloj: pli ol 25 000 paroj estis registritaj en unu aro ĉe la marbordo de Brita Kolumbio. La nesto kutime estas kaverno, sed kelkfoje fendeto inter rokoj estas uzata anstataŭ. Unu ovo estas kutime demetita en junio kaj kovata de ambaŭ gepatraj birdoj dum 45 tagoj. Post 40 ĝis 55 forflugas la ido unuafoje el la nesto.
Nutraj lokoj troviĝas mare malproksime de la nestoj.
Vidu ankaŭ
[redakti | redakti fonton]- Atlantika fraterkulo F. arctica
- Korna fraterkulo F. corniculata
| ||||||||||||||||||