Ulanĉab

Ĝemelurboj
	Ulan-Ude (2018–) vd

Ulanĉab
stepa panoramejo proksime de la urbo stepa panoramejo proksime de la urbo
departemento-ranga urbo ; urbego vd
Administrado
Statuso	Urbo
Lando	Ĉinio
Provinco	Interna Mongolio
Ĝemelurboj
	Ulan-Ude (2018–) vd
Poŝtkodo	012000
Aŭtokodo	蒙J
Telefonkodo	(0)474
Retpaĝaro	http://www.wulanchabu.gov.cn/
Demografio
Loĝantaro	2 143 590 (2010)
Loĝdenso	31 loĝ./km²
Geografio
Geografia situo	41° 0′ N, 113° 7′ O (mapo)40.991944444444113.12444444444Koordinatoj: 41° 0′ N, 113° 7′ O (mapo) [+]
Alto	1 378 m [+]
Areo	54 491 km²
Horzono	UTC +8
	Loko de Ulanĉabo (ruĝa) en Interna Mongolio (oranĝa), Ĉinio
Alia projekto
	Vikimedia Komunejo Ulanqab [+]
	v • d • r

Ulanĉab aŭ Ulanqab, Ulaan Chab aŭ Ulagancab (mongole respektive Улаанцав [Ulaγančab], ĉine simpligite 乌兰察布, tradicie 烏蘭察布, pinjine Wūlánchábù) estas prefektujnivela milionurbo en la aŭtonoma regiono Interna Mongolio de la Ĉina Popola Respubliko.

Loĝantoj

Laŭ stato de la jaro 2020 en la prefektujnivela urbego vivis 1 706 328 loĝantoj.

Geografio

Ulanĉab troviĝas en montara teritorio 1 378 m super la marnivelo kaj konsistas el 11 dividoj. Ĝi havas areon de 54 474 km².

Historio

En 1973 oni trovis metiejojn pri ŝtoniloj. Skrapiloj, hakiloj kaj sagpintoj estis produktitaj tie antaŭ ĉirkaŭ dek mil jaroj. Historie la teritorio apartenis al la provinco Suijuano de la Ĉina Imperio. En 1919 fervoja linio estis konstruita el Pekino, kio pliigis la ekonomian - kaj ankaŭ militan - gravecon de Ulanĉab. Tri gravaj bataloj okazis tie dum la Ĉina Enlanda Milito, en januaro kaj septembro 1946, kaj en septembro 1948. La 19-an de septembro 1949 la Kuomintango transdonis tiun parton al la Ruĝa Armeo sen batalo. La prefektujnivela urbego estis establita la 1-an de decembro 2003.

Ekonomio

Ulanĉab estas grava centro por la disvolviĝo de renovigebla energio (precipe sunaj kaj ventaj). Ankaŭ loke oni produktas energiajn ekipaĵojn.

Edukado

La altnivela edukado okazas en 3 altlernejoj.

Trafiko

Tra la teritorio trairas pluraj fervojoj kaj provincaj aŭtovojoj, krome flughaveno servas. Tre gravas la varfervoja transporto al Mongolio, Rusio, Uzbekio kaj Germanio.

Klimato

Ulanĉab havas malvarman duonaridan klimaton laŭ klimata klasifiko de Köppen: BSk. La vintroj estas longaj, malvarmaj kaj tre sekaj, la someroj iom humidaj kun fortaj ventoj. Jare pluvas averaĝe 340 mm, pli ol duono de la jara precipitaĵo falas nur en julio kaj aŭgusto. La temperaturo averaĝas 5 °C kaj varias inter -1-12 °C.