Unikoda enigo
Unikoda enigo estas maniero enkomputiligi signojn mankantaj en la klavaro per iliaj unikodaj signonumeroj.
Enigo per signotabelo[redakti | redakti fonton]
Diversaj operaciumoj disponigas tian rimedon por trovi signon per ĝia unikoda signonumero, aŭ per la unikoda nomo, aŭ per unikoda kodpaĝo. En Vindozo por tio disponeblas la programo Charmap; en Linuksoj, gucharmap kaj kcharselect.
Ekz‑e en gucharmap oni povas, per la menuero «Search» (Serĉo), trovi (kaj kopii) la literon Ĝ per ĝia deksesuma signonumero U+011C, aŭ per (parto de) ĝia unikoda nomo (evidente, anglalingva) “g with circumflex” (la plena nomo estas “latin capital letter g with circumflex”).
Enigo per deksesuma signonumero[redakti | redakti fonton]
En Linukso[redakti | redakti fonton]
Linukse sub la Fenestra Sistemo X oni povas jene klavi unikodajn signojn[1]:
Premante Ctrl+Shift (t.e. Stir+Maj) tajpu u kaj deksesumajn ciferojn de la signonumero; relasu la klavojn Ctrl+Shift.
En Emakso[redakti | redakti fonton]
Ctrl+xReturn vokas la funkcion insert-char, kiu akceptas deksesuman signonumeron aŭ unikodan nomon de la bezona signo.
En LibreOffice[redakti | redakti fonton]
En LibreOffice la ordo estas inversa: unue oni tajpas deksesuman signonumeron, kaj posta Alt+x kuntiras ĝin en la respondan signon. Ekz‑e ...11c sekvata de Alt+x rezultigas ...Ĝ.
HTML[redakti | redakti fonton]
En HTML kaj XML oni povas indiki signon per kaj-signo, krado (signo), signonumero, kaj punktokomo. La signonumero povas deksesuma (tiam ĝi komenciĝas per ikso), aŭ dekuma. Ekz‑e Ĝ estas prezentebla per
Ĝ(dekume)Ĝ(deksesume)