Vereeniging

El Vikipedio, la libera enciklopedio
Salti al navigilo Salti al serĉilo
Vereeniging
Dutch Reformed Church Vereeniging-017.jpg
Administrado
Poŝtkodo 1939 [+]
Demografio
Geografio
Geografia situo 26° 40′ S, 27° 56′ O (mapo)-26.67361111111127.931944444444Koordinatoj: 26° 40′ S, 27° 56′ O (mapo) [+]
Alto 1 479 m [+]
Horzono UTC+02:00 [+]
Situo de Vereeniging

Alia projekto
Commons-logo.svg Vikimedia Komunejo Vereeniging [+]
Wikidata-logo.svg
Information icon.svg
vdr

Vereeniging [verEneĥin] estas urbo en la sud-afrika provinco Ĥaŭtengo. Ĝi situas ĉe rivero Vaal kaj havas ĉirkaŭ 390.000 loĝantojn. Ĝi estis fondita en 1892 de buroj. Ĝia nomo en la afrikansa lingvo signifas "kuniĝo" aŭ "unuiĝo".

Apuda akvocentralo kun granda akvobaraĵo provizas la provincon per elektro. Krome gravas minado de karbo kaj fandado de fera erco.

Dum la brita-bura milito (1899–1902) britoj instalis koncentrejon ĉe la urbo. Je la 31-a de majo 1902 estis (en Pretorio) subskribita la Traktato de Vereeniging, kiu finis la militon.

Je la 21-a de marto 1960 en Sharpeville, nigrula kvartalo de Vereeniging, okazis masakro, kiam polico pafis al manifestaciantoj, kiuj ĉirkaŭis la policejon. Mortis dekoj da homoj (oni mencias 67, 69 aŭ 79). UNO deklaris la daton memortago pri la lukto kontraŭ rasa apartigo.

En 1984 en Sharpeville estis linĉita nigrula konsiliano. Tio kaŭzis internaciajn protestojn kaj eĉ sankciojn kontraŭ la sud-afrika registaro.