Kukurbo

Kiel legi la taksonomion Kukurbo
Patisson-planto (Cucurbita pepo)
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Kukurbaloj Cucurbitales Familio: Kukurbacoj Cucurbitaceae Genro: Kukurbo Cucurbita
specioj
C. maxima - potirono C. mixta = C. argyrosperma C. moschata - moska kukurbo C. pepo - pepono
Aliaj Vikimediaj projektoj

Kukurbo (Cucurbita el kukurbacoj) estas genro de unu- kaj du-jaraj herboj aŭ ties manĝebla frukto. La fruktoj havas diversajn formojn kaj kolorojn (kutime verda, flava, oranĝa aŭ bruna). Multaj specoj havas grandajn fruktojn.

Kukurboj devenas de Nord-Ameriko. Iuj specoj manĝeblas krudaj, aliaj nur kuiritaj. La frukto estas plej ofte la manĝata parto, sed iuj kuirartoj uzas ankaŭ la semojn (por manĝi rekte, aŭ por premi por akiri oleon). Ankaŭ foliojn kaj florojn oni manĝas laŭ iuj kuirartoj.

En Usono kaj kelkaj aliaj landoj, oni ĉizas vizaĝojn el grandaj oranĝaj kukurboj por festi Halovinon.

Peponoj

Peponoj (Cucurbita pepo) estas specio kun multaj popularaj manĝfruktoj. Oni rikoltas ilin dum la somero, ofte dum ili junas kaj havas molan ŝelon.

Itala kukurbeto

aŭ legomkukurbo (Cucurbita pepo subsp. pepo convar. giromontiina) italia kukurbeto, kiu estas verda aŭ flava, longa.

Gravas la frua rikolto. Ju pli malgranda la frukto des pli delikatan guston ĝi havas. Ankaŭ la floro estas ŝatata manĝaĵo.

Potironoj

Potironoj (Cucurbita maxima) estas specio pli granda kaj globeca. Oni rikoltas ilin nur je la fino de la somero. Ili ofte havas malmolan ŝelon.

Melopepoj

Melopepoj (Cucurbita pepo subsp. ovifera) estas subspecio de la peponoj.

Aliaj

• Ajoto, Cucurbita argyrosperma
• C. moschata
• C. mixta.

Fontoj

• Taksonomia klasigo de melopepoj

Eksteraj ligiloj

• Walter KLAG: KUIRARTO: La kukurbo - frukto multvizaĝa Monato (gazeto) (2008/03 p. 14)

Galerio

• 
  Halovena kukurbo
• 
  Kukurbo sur sia planto
• 
  Flavaj peponoj
• 
  diverskoloraj fruktoj de la italia kukurbeto