Ŭaŝita-Montaro
Ŭaŝita-Montaro [1] estas malalta montaro situanta en okcident-centra Arkansaso kaj sudorienta Oklahomo. La subteraj radikoj de la montaro etendiĝas ĝis centra Teksaso, aŭ pretere ĝin ĝis la nuna loko de Marathon Uplift (geologia fenomeno en sudokcidenta Teksaso). Kune kun Ozark-Altebenaĵoj, Ŭaŝita-Montaro konstituas Usonajn Landinternajn Altaĵojn, la nuran gravan montregionon inter Roka Montaro kaj Apalaĉaj Montoj [2][3]. La plej alta pinto en Ŭaŝita-Montaro estas Magazin-Monto en okcident-centra Arkansaso kaj tiu atingas altitudon de 839 metroj.
Etimologio
La vorto "Ŭaŝita" (angle : Ouachita) konsistas el du ĉoktaaj vortoj : ouac, bizono, kaj chito, granda [4]. Ĝi signifas la landon de grandaj bizonoj; multnombraj gregoj de tiuj bestoj antaŭe loĝatigis la preriojn de Ŭaŝita-Montaro.
Flaŭro
La montaro estas konata por enhavi almenaŭ 15 da endemiaj plantospecioj (t.e. plantoj kiujn oni troviĝas nenie alie). Tiuj inkludas Sabatia arkansana (gencianacoj), Valerianella nuttallii (valerianacoj), Liatris compacta (asteracoj) kaj acerfolian kverkon [5].
Referencoj
- ↑ angle Ouachita Definition. dictionary.com. Random House, Inc.. Alirita July 24, 2009.
- ↑ angle Managing Upland Forests of the Midsouth. United States Forestry Service. Arkivita el la originalo je 2007-10-17. Alirita 2007-10-13.
- ↑ angle A Tapestry of Time and Terrain: The Union of Two Maps - Geology and Topography. United States Geological Survey. Alirita 2007-10-13.
- ↑ angle Harlan, R. 1834. Notice of fossil bones found in the Tertiary formation of the State of Louisiana. Trans. Amer. Philos. Soc. iv pp. 397-403.
- ↑ (2005) “A new species of Sabatia (Gentianaceae) from Saline County, Arkansas”, Sida 21 (3), p. 1249–1262. Alirita 2007-07-10..