Aŝur-dan la 1-a

El Vikipedio, la libera enciklopedio
Saltu al: navigado, serĉo

Aŝur-dan la 1-a inter la jaroj 1178 kaj 1133 antaŭ nia erao estis reĝo de Asirio kaj plej supera juĝisto de la imperio. Li estis la filo de Ninurta-apal-ekur. La nomo de la reĝo signifas "[La dio] Aŝuro estas mia juĝisto".

Laŭ kronologia listo de la regantoj de Asirio kaj Babilonio, li regis samtempe al la babiloniaj reĝoj Marduk-apla-idina la 1-a, Zababa-ŝum-idina kaj Enlil-nadin-ahi.

Ĉirkaŭ la jaro 1160 okazis batalo de la asiria armeo kontraŭ tiu de la reĝo Zababa-ŝum-idina de Babilonio. Aŝur-dan konkeris plurajn babiloniajn urbojn kaj portis riĉajn konkeraĵojn al Asirio.

Lia filo kaj posteulo estis Ninurta-tukulti-Aŝur, kiu tamen nur mallonge havis la reĝan postenon.

Antaŭe: reĝo de Asirio Poste:
Ninurta-apal-ekur 1178 kaj 1133 antaŭ nia erao Ninurta-tukulti-Aŝur