Ahuehuete-arbo

Taxodium mucronatum, "El Árbol del Tule", en Santa María del Tule (Oaxaca, Meksiko)

Biologia klasado

Regno:	Plantoj Plantae
Divizio:	Pinofitoj Pinophyta
Klaso:	Pinopsidoj Pinopsida
Ordo:	Pinaloj Pinales
Familio:	Cipresacoj Cupressaceae
Genro:	Taksodio Taxodium
Specio:	T. mucronatum

Konserva statuso

Konserva statuso: Malplej zorgiga

Dunoma nomo

Taxodium mucronatum
Tenore

v • d • r

La Ahuehuete-arbo (Taxodium mucronatum) estas ekde 1921 la mekŝika nacia arbo. La nomo signifas "malnova arbo proksima je la akvo" en la naŭatla lingvo. Temas pri taksodiospecio (Taxodium macronatum). Unu ekzemplero en Santa Maria de Tule en federacia ŝtato Oaĥako (Meksiko) havas la trunkan perimetron de 36 m, pro kio ĝi estas la arbo kun plej dika trunko en la tuta mondo. Ĝi aĝas 1200-3000 jarojn, havas la diametron de 14 m kaj alton de 41 m.

La arbo estas ankaŭe nomata aŭ konata kiel "Mekŝika Cipreso" au Cipreso de Moktezumo"

En Mekŝiko troviĝas multaj famaj arboj el tiu specio. Interaliaj, "la arbo de la trista nokto", ĉe mekŝiko-urba kvartalo Takubo, estas la arbo kie konkerinto Hernano Korteso ploris pro esti venkita dum batalo kontraŭ aztekoj (mekŝikaj). Tra la lando troviĝas aliaj famaj arboj.

En multaj regionoj de Mekŝiko, la arbo estas konata laŭ la nomo "sabino" kaj are kiel "sabinal". En la centrmekŝika ŝtato Agvaskaljento, troviĝas belega apudrivera regiono nomata "El Sabinal" (la sabinaro), kie, laŭlonge de la riverbordo, kreskas tiuj ĉi miljaraĝaj arboj.